Bárimizde bir Otan, basta bizdi, «Nur Otan»!

SENIMIN SERIK ETKEN

«Nur Otan» partııasynyń 15 jyldyq mereıtoıy qarsańynda elimizdiń jer-jerinde azamattardy partııa qataryna saltanatty túrde qabyldaý júrgizildi. Keshe «Nur Otannyń» Astana qalasyndaǵy Ortalyq apparatynda partııa Tóraǵasynyń birinshi orynbasary Baýyrjan Baıbek te osyndaı jańa úlgidegi partııa bıletterin 9 azamatqa tabys etti. Olar: Astana qalasyndaǵy Qazaq gýmanıtarlyq-zań ýnıver­sıtetiniń prezıdenti Maqsut Ná­rikbaev, Qarjy mınıstrligi Qarjy monıtorıngi komıtetiniń tóraǵasy Beısenǵalı Tájııaqov, «UlttyqBaýyrjan Baıbeklar» AQ Call ortalyǵynyń 1 dárejeli mamany (I toptaǵy múgedek) Krıs­tına Romanova, Almaty oblysy ázerbaıjan etnomádenı birlestiginiń tóraıymy Asy­ly Osman, M.О́skenbaev atyn­­daǵy Mańǵystaý oblystyq fılar­monııasynyń ánshisi Aıda Baıgelova, Taldyqorǵan aýyl sharýashylyǵynyń ustasy, ınternasıonalıst-jaýynger Ashat Qasenov, №6 Hromtaý gımna­zııasynyń beıneleý óneri men syzý pániniń muǵalimi Abzal Qurmanov, «Qazhrom» AQ Aqsý ferroqorytpa zaýyty №1 ferroqorytpa peshi sehynyń kórikshisi Altynbek Asanov, Temirtaýdaǵy Álııa Moldaǵulova atyndaǵy sporttaǵy daryndy balalarǵa arnalǵan mektep-ınternatynyń dzıýdodan sport sheberi Anna Starchenko. Jıynda sóz alǵan B.Baıbek: «Búgin – «Nur Otan» partııasy úshin úlken tarıhı oqıǵa. Sebebi, bizdiń partııamyzdyń qurylǵanyna 15 jyl toldy. Sol sebepti, barsha­ńyz­dy partııanyń osyndaı mereıtoıymen quttyqtaımyn. О́zderińiz biletindeı, 1999 jylǵy 1 naýryzda Elbasy bastaǵan úlken partııa dúnıege keldi. Ol «Otan» par­tııasy edi. Osy jyldardyń ishin­de «Nur Otan» partııasy úlken saıası kúshke aınaldy. Bú­ginde bizdiń qatarymyzda 900 myń nurotandyq bar. Partııany qoldaıtyn mıllıondaǵan azamat eńbek etýde. «Nur Otan» partııasy halyqpen birge barlyq syndardan, qıyndyqtardan ótip, osyndaı beleske kóterilip otyr. Elbasy óziniń bir sózinde «Nur Otan» partııasy úlken, naǵyz saıası kúsh retinde halyqty, halyqtyń kúsh-jigerin «Qazaqstan-2050» Strategııasynda aıtylǵan úlken maqsattarǵa jetý úshin biriktirý kerek ekenin aıtqan bolatyn», deı kele, partııanyń aldyndaǵy basty maqsat –Memleket basshysynyń, memlekettiń saıasatyn halyqpen birge, halyqtyń arasynda nasıhattaý, halyqtyń kúsh-jigerin bir arnaǵa toǵystyrý, bir múddege biriktirý ekenine toqtaldy. Sondaı-aq, B.Baıbek: «2006 jyly bul partııa «Nur Otan» degen atqa ıe boldy, 2007 jyly Elbasy partııanyń Tóraǵasy boldy. Búginde partııanyń 6 myńnan astam bastaýysh uıymdary bar. Bizdiń jumysymyz negizinen 4 qaǵıda bo­ıynsha júrgiziledi. Olar: ashyqtyq, jaýapkershilik, nátıjelilik, esep­tilik. Biz úlken saıası kúsh retin­de ózimizdiń partııamyzdyń arasynda pikirtalasty, partııa­lyq ishki talqylaýlardy kúsheı­týi­miz qajet. «Nur Otan» partııa­synyń jańa Saıası doktrınasy qalyń buqara arasynda keńinen talqylanyp, qabyldanǵan bola­tyn. Bizdiń barlyǵymyz Qa­zaq­­stannyń bolashaǵy úshin bir múddege jumylyp, aldaǵy kún­derge jaýapkershilikpen qa­raýymyz kerek. Nursultan Nazar­baev jyl basynda ótken partııa sezinde Qazaqstannyń negizgi qun­dylyqtary memlekettik táýel­sizdigimiz, elimizdiń kelisimi men aýyzbirshiligi, tatýlyǵy, memleket ekonomıkasy men eldiń áleýmettik áleýetiniń jaqsarýy ekenin atap ótken bolatyn. Sol sebepti biz, nurotandyqtar árdaıym birge bolyp, halyqtyń múddesin bir arnaǵa toǵystyrýymyz kerek», dedi. Bul kúni partııa Tóraǵasy birin­shi orynbasarynyń qoly­nan osyndaı jańa úlgidegi part­bıletterin alǵan azamattar sóz sóılep, óz oılarymen bólis­ti. Máselen, M.Nárikbaev jınalǵandardy partııanyń mereıtoıymen quttyqtaı kele, óziniń partııa qataryna kirý sebebin túsindirdi. «Bul baıaǵydan júrekte júrgen dúnıe. Oıda júrgen dúnıe. Maǵan jáne men sııaqty basqa azamattarǵa bıliktiń de, mansaptyń da qajeti joq. Meniń «Ádilet» partııasynan ketkenime 2 jyldaı boldy. Onyń sebepteri úlken. Sebebi, «Ádilet» partııasy óziniń kóppartııaly júıedegi mıssııasyn oryndady dep esepteımin. Árıne, úlken jetistikke jete qoıǵanymyz joq. Biraq, «Ádilet» partııasy kótergen kóptegen másele «Nur Otan» partııasynyń barlyq qujattarynda kórinis tapqan. Sondyqtan, bul partııaǵa kelý sebebim mynadaı: meniń áli de aıtatyn sózim, halyqqa jetkizgim keletin oıym bar eken. El ishinde bolyp jatqan oqıǵalarǵa qatysyp, óz pikirimdi aıtyp júrgim keledi», dedi óz sózinde M.Nárikbaev. Al A.Osman: «Elbasymyz, par­tııa Tóraǵasy Nursultan N­­az­ar­­baevtyń keshegi Joldaýynda aıtylǵan tarıhı máni zor «Máńgilik El» ıdeıasyn júzege asyratyn eń bas­ty saıası kúsh – «Nur Otan» ekenine kózim jetti. Aldymyzdaǵy osyndaı uly maqsattardy oryndaýda sizdermen árqashan birge bolý úshin halyqtyń senimine, táýelsizdiktiń tiregine aınalǵan «Nur Otan» partııasyna ótýge bel baıladym», dese, A.Qasenov: «Eger, elimizdiń eń basty baılyǵy – bizdiń kópultty úıimizdiń beıbitshilik pen kelisim mekeni ekenin aıtatyn bolsaq, onda sol beıbitshiligimiz ben tatýlyǵymyzdy saqtap, nyǵaıtýǵa atsalysyp júrgen uıymdardyń biregeıi – «Nur Otan» partııasy. Sol sebepti, partııa qataryna kirý týraly oı týyndap, úıdegi otbasy múshelerimen aqyldasa otyryp, sheshim qabyldadym», degen sózin jetkizdi. Jańa úlgidegi partbılet plas­tı­kalyq kartochka ispettes. Bet jaǵynda partııa bıletiniń nómiri, azamattyń aty-jóni jáne onyń partııaǵa kirgen merzimi kórsetilgen. Al syrt jaǵynda partııa bıletiniń qupııa sany men respýblıka boıynsha tegin habarlasýǵa bolatyn call-ortalyqtyń telefony (2)597850 jazylǵan. Sondaı-aq, jańa partııalyq bıletter biryńǵaı elektrondyq málimetter bazasynda biriktiriledi, ol málimetterdi sáıkestendirýge qolaıly jáne mekenjaıyńdy aýystyrǵan kezińde de ońtaıly, eseptilik júrgizýge yńǵaıly, sonymen birge, partııa múshelerimen qarym-qatynas jasaýǵa jeńil. Búginde elimizdiń ózge de aımaq­tarynda partııanyń 15 jyldyǵyna oraı, partııalyq bıletterdi saltanatty túrde tabys etý rásimderi ótti. Láıla EDILQYZY, «Egemen Qazaqstan».   ________________________________ Sýretterdi túsirgen Erlan OMAROV.

ASTANALYQ FILIALDYŃ ALǴAShQY KÚNDERI

1999 jyldyń birinshi aqpany kúni elordadaǵy Agrarlyq ýnıver­sıtettiń akt zalynda qalalyq partııa uıymynyń birinshi konferensııasy ótip, onda qalalyq uıymnyń basshylyq quramy men partııanyń alǵashqy sezine delegattar saılaǵanymyz esimizde. Sodan beri arada 15 jyl da syrǵyp óte shyǵypty. Alǵashqy jyldary partııa qataryna kóbirek músheler tartý úshin tolyp jatqan is-sharalar júrgizgen edik. Ár sharaǵa daıyndalý, ótkizý barysynda partııanyń eldiń, qoǵamnyń damýyna qajet jumystardan esh qaıtpaıtynyn isimizben dáleldeı bildik. Qalany kóriktendirý, aǵash otyrǵyzý, ardagerler men qarttarǵa, múgedekter men aýǵan soǵysy ardagerlerine, sondaı-aq, chernobyldyqtarǵa kómek­ter kórsetý sharalary ar­qyly partııanyń halyqpen etene jaqyn ekendigine jurtshylyqtyń kózderin jetkizýge tyrystyq. Ár is-sharanyń tabysty ótkenine qanattanyp, partııa qataryna kirýge ótinish berýshilerdiń sany artqanyna qýandyq. Sátti jasalǵan alǵashqy qadam­dar qalalyq partııa uıymyn shyńdap, tabystarǵa jeteleı tústi. Jyldar jyljyǵan saıyn qalalyq partııa uıymynyń irgesi nyǵaıyp, partııa fılıalynda tirkelgen adamdar sany 3 myńdy qurady. Keıindep olardyń qatary 6 myńǵa taıady. Osylaısha, partııa fılıaly úlken kúshke aınala bastady. Qarap otyrsam, osy jyldar partııamen birge ózimniń de eseıgen, tájirıbe jınaqtaǵan, elim úshin qyzmet etken tabysty jyldarym bolǵan eken. Partııanyń halyq pen bı­lik arasyndaǵy úndestikti úı­les­tirýdegi jasaǵan jumystary aýyz toltyryp aıtarlyqtaı. So­nyń arqasynda halyqtyń par­tııaǵa degen senimi artty. Qo­ǵamdyq qabyldaýlarǵa kelip, óz­deriniń muń-muqtajdaryn jetkizgen qarapaıym adamdardyń ótinishteri partııa fılıaly tarapynan qoldaý taýyp otyrdy. Mysaly, 2008-2013 jyldar aralyǵynda qalalyq qoǵamdyq qabyldaýǵa 45 760 adam kelipti, 34 320 azamatqa quqyqtyq keńester berilipti. Al olardyń árqaısysynyń artynda adam taǵdyry men qınalǵanda qoldaý kórsetýdi suraǵandardyń problemalary jatqany belgili. Elordamyzdyń jańaryp, jasarýy, turǵyndar sanynyń ósýi, Astananyń «Beıbitshilik qalasy» dep tanylýy da osy jyldardyń enshisine tıedi. Qoǵamdyq qabyldaýlar jumy­syna saraptaý júrgize kele biz kóbine azamattardyń quqyqtyq saýatsyzdyǵynan qıyndyqtarǵa tap bolatynyna kóz jetkizdik. Kóp rette saýatty berilgen quqyqtyq keńestiń ózi máseleni qalaı oń baǵytta sheshýdiń joly barlyǵyn kórsetip, tyǵyryqqa tirelgen azamattarǵa jón silteı bildik. Olarǵa zańger partııa músheleri tegin quqyqtyq keńester kórsetip otyrdy. Qoǵamdyq qabyldaý jumys istegen ýaqyttan beri atqarylǵan istiń barlyǵy partııanyń halyqtyq sıpat alǵanyn aıshyqtap berdi. Halyq shyn máninde óz múddesin osyndaı dárejede qorǵaıtyn partııaǵa senim artty, sondaı-aq, bul partııa áleýetiniń qýatty ekenin dáleldedi. Sondyqtan da búginde partııanyń qoǵamdyq qabyldaýlary azamattardyń problemalaryn oıdaǵydaı sheshýge kúsh salatyn jáne naqty jumys isteıtin qurylymǵa aınalyp otyr. Irına POLOROTOVA, «Nur Otan» partııasy Astana fılıaly qoǵamdyq-saıası bóliminiń konsýltanty.

SAIаSI QURYLYM QÝATTY KÚShKE QALAI AINALDY?

Qazaqstan Respýblıkasy Parlamenti Májilisiniń depýtaty, Halyq Qaharmany Baqytjan ERTAEVPEN áńgime – Baqytjan Ertaıuly, negizgi taqyryp «Nur Otan» partııasyna baılanysty bol­ǵandyqtan, áńgimeni partııanyń qa­lyp­tasý jaıynan bastaǵanyńyz jón bolar edi. – «Nur Otan» partııasynyń ótken tarı­hyna nazar salatyn bolsaq, eń aldymen táýelsizdiktiń alǵashqy onjyldyǵyndaǵy demokratııalyq úderister eske túsedi. Sol jyldary elimizde kóptegen salalarda reformalaý júrip jatty, saıası  partııalar men úkimettik  emes uıymdar qurylyp, jumys isteı bastady. Al egemendikke qol jetkizgenine onsha kóp ýaqyt ótpegen elimizge halyq múddesine  qyzmet etetin, kúsh alyp kele jatqan reformalarǵa qoldaý  bildiretin saıası uıym qajet edi.  Bul máseleni  ózgelerden góri erterek ári tereńnen oılaǵan adam Prezıdentimizdiń  ózi boldy. 1999 jyldyń qańtarynda  Qazaqstan Res­pýb­lıkasynyń prezıdenttigine  kandıdat­tyq­qa usynylǵan N.Á.Nazarbaevty qoldaý jónindegi qoǵamdyq shtab músheleriniń jıyny ótkeninen kópshilik habardar dep oılaımyn.  Osy jıynda  qoǵamdyq shtabtyń saılaýaldy  qozǵalysyn  saıası partııaǵa aınaldyrý jóninde jaqsy ıdeıa aıtyldy.  Elbasy bul bastamaǵa qoldaý bildire kelip, partııany «Otan» dep ataýdy usyndy. Al partııanyń birinshi sezi sol jyldyń 1 naýryzynda ótken edi.  Bul kún nurotandyqtar úshin  ǵana emes, búkil qazaqstandyqtar úshin de tarıhı kún, tarıhı oqıǵa bolyp tabylady. Elbasy, partııa Tóraǵasy Nursultan Nazarbaevtyń birinshi sezde sóılegen sózi  sol jyldar úshin saıası partııanyń qyzmetinde  baǵdarlamalyq qujat boldy. – Saıası partııalardy partııalararalyq báseke shynyqtyryp, erekshelendiretini, kópshilikke tanymal etetini belgili. «Nur Otan» qurylǵan kezden bastap-aq elimizdegi birden-bir  saıası kúshke aınaldy. Onyń sebebi nede? – Partııa Tóraǵasy belgilegen partııalyq jaýapkershilik «Nur Otannyń» basshylyǵyna ǵana emes, onyń barlyq múshelerine zor jaýapkershilik júktedi. Partııa músheleri ózderi ótkizgen aksııalary men is-sharalary barysynda partııa kóshbasshysynyń qamqorlyǵy men qoldaýyn shynaıy sezinip otyrdy. Ásirese, ol elimizdiń tarıhynda alǵash ret partııalyq tizim boıynsha ótkizilgen Parlament saılaýynda anyq baıqaldy. Nátıjesinde nurotandyqtar Parlamentten de, máslıhattardan da edáýir basym mandatqa ıe bolyp, jeńiske jetti. Saılaýdaǵy jeńis partııanyń qoǵam aldyn­daǵy bedelin kóterdi, partııa múshe­leri­niń qataryn kóbeıtýge yqpal etti. О́zine júk­telgen mindetter men alǵa qoıylǵan maq­satty oryndaýǵa qulshyna kiristi.  Par­tııa Tóraǵasynyń tapsyrmalary men nus­qaý­laryn basshylyqqa ala otyryp, elimizdiń barlyq óńirlerinde partııanyń saılaýaldy tuǵyrnamasyn iske asyrýda ózge saıası partııalarǵa úlgi bolatyn is-sharalardyń oı­da­ǵydaı ótýine uıytqy boldy. Kezinde qoǵamdyq ınstıtýttar tarapynan jiberilgen kemshilikterge  baılanysty bosańsyp ketken jastar tárbıesi máselesi qaıta qolǵa alyndy.  Jastardyń áleýmettik-ekonomıkalyq problemalaryn jáne basqa da máselelerin sheshýge, olarǵa qoldaý-kómekter  kórsetýge erekshe nazar aýdaryla bastady. «Jas Otan» jastar qanatynyń qurylýy sonyń naqty kórinisi bolyp tabylady. Búginde osy jas­tar uıymy «Nur Otannyń» senimdi izbasary bolyp júr. Osylaısha, bastapqy kezde-aq bizdiń partııa­myz memlekettiliktiń nyǵaıýyna, qoǵamnyń birigýine jáne azamattardyń múddesin qorǵaýǵa qyzmet etetin saıası kúsh ekenin dáleldep berdi. Kópshilikti bereke-birlikke, yntymaqqa úndep, bul uǵymdardyń kóp etnosty Qazaqstan úshin qashan da qajettiligine  barynsha kóńil bóldi. Qazirgi tańda sonyń jemisin búkil qazaqstandyqtar kórip keledi. – «Nur Otannyń» álemdik qarjy-ekonomıkalyq daǵdarysy jyldaryndaǵy  jumystary arnaıy toqtalyp ótýdi qajet etedi dep oılaımyz. – Álemdik qarjy daǵdarysynyń qolaısyz áseri sezile bastaǵanda da, daǵdarys kezinde de Prezıdenttiń tapsyrmalaryn oryndaý úshin memleket qoldan kelgenniń barlyǵyn jasady. Al partııa Tóraǵasy nurotandyqtardy daǵ­darysqa qarsy is-sharalardy júzege asy­rý­ǵa belsene qatysýǵa shaqyra kelip, ony halyqqa túsinikti etip jetkizýdi júktegen edi. Bular partııanyń halyqtyq tuǵyrnamasynda  kórsetilgen. Nurotandyqtar sol jyldary  partııa aldyna qoıylǵan mindettemelerin tolyq oryndady dep senimmen aıtýymyzǵa bolady.  Sonyń arqasynda elimiz qarjy daǵdarysynan qınalmaı ótti. Elbasy, sondaı-aq, partııanyń qaraýyna el ekonomıkasyn daǵdarystan keıin damytý josparynyń negizgi qaǵıdattaryn da usynǵan bolatyn. Ol jeti baǵyttan turdy. Partııa Memleket basshysynyń bergen tapsyrmalaryn júzege asyrýda  kóptegen jumystar atqardy. О́z kezeginde bul partııanyń bedelin ósirdi, partııa halyqqa, halyq partııaǵa jaqyn­daı tústi.  Prezıdenttiń «Partııa básekelestik jaǵdaıynda halyqtyń ómirin jaqsartýǵa qabiletti bolýǵa tıis. Kópshiliktiń qoldaýyna ıe bolý úshin ol halyqtyń úmitin aqtaýǵa tıis» dep atap kórsetýi sondyqtan. «Nur Otan» búginde osy údeden shyǵyp júr.  Partııanyń qurylymdary men belsendileri iske asyrǵan jumystardy da el Prezıdenti joǵary baǵalaǵanyna talaı ret kýá bolǵan edik. – Baqytjan Ertaıuly, Memleket basshysy Qazaqstan halqyna Joldaýynda «Máńgilik El» ıdeıasyn usyndy. Osy ıdeıanyń máni men mańyzy jóninde aıtyp berseńiz? – Elbasymyz Joldaýynda: «Máńgilik El» – ata-babalarymyzdyń san myń jyldan bergi asyl armany. Ol arman – álem elderimen terezesi teń qatynas quryp,  álem kartasynan oıyp turyp oryn alatyn Táýelsiz Memleket ataný edi», – dedi.  Ata-babalarymyzdyń ǵasyr­lar boıy tilegen sol armany aqıqatqa aınaldy. Memlekettik shekaramyz shegendeldi.  Búginde elimiz keń-baıtaq aýmaqqa ıe.  О́tken ǵasyrlarda ata-babalarymyz osy jerlerdi kóz alartqan basqynshylardan at ústinde júrip, nebir shaıqastarda naızanyń ushymen,  bilektiń kúshimen qorǵap qalǵany tarıhtan belgili. Endi sol amanatty  kózdiń qarashyǵyndaı qorǵaý búgingi urpaq pen keleshek urpaqqa buıyryp otyr. Prezıdent atap ótkendeı, Táýelsizdikke qol jetkizgennen góri ony ustap turý áldeqaıda qıyn. «Máńgilik El» bolý ıdeıasyn, sondaı-aq, oǵan qatysty júzege asyrylatyn is-sharalar eń aldymen halyqtyń sanasynan berik oryn alýy tıis.  Sonda árbir qazaqstandyqtyń  el aldyndaǵy, óz halqy aldyndaǵy jaýapkershiligi arta túsedi. Shyǵystan bastalǵan osyndaı is-sharalar  qazirgi kezde elimizdiń ózge óńirlerinde jalǵasyn taýyp jatyr. Elbasynyń «Máńgilik El» ıdeıasy barlyǵymyzdy bir maqsatqa, ortaq múddege, aýyzbirlik pen yntymaqqa jumyldyratyn uran boldy desek, qatelespeımiz. – Prezıdent «Qazaqstan-2050» Stra­tegııasynda Jańa Qazaqstandyq Patrıotızm elimizdi damytýdaǵy jetistikterdiń negizi bolyp tabylatyndyǵyn ataǵan edi.  Endi osy máselelerge toqtalsańyz? – Qazaqstandyq patrıotızm – el azamat­tarynyń Otan namysy aldyndaǵy zor jaýapkershiligi. Memleket basshysy óziniń «Qazaqstan-2050» Strategııasynda elimizdiń sportshylary London Olımpıadasynda 205 eldiń ulttyq quramalary arasynda 12-oryn alǵanyn jeke atap ótýi jaıdan-jaı emes. Sebebi, elimizdiń Memlekettik Týy men Ánurany eki jaǵdaıda – Prezıdentimizdiń shetelderge jasaǵan resmı sapary kezinde jáne sportshylarymyzdyń jarystarda birinshi oryn alǵan kezinde kóteriledi jáne  oryndalady. Mine, osyndaı saltanatty sharalardy kórgen, oǵan kýá bolǵan kez kelgen qazaqstandyqtyń boıynda óz eline degen patrıottyq sezim oıanatyny anyq.  Endi bizder ul-qyzdarymyzdy, jastardy Jańa Qazaqstandyq Patrıotızmge tárbıeleýimiz kerek. Sonda elimizdiń azamattary ózderiniń bolashaǵyna senimdi bolady, ózderin óz eliniń qojasy retinde sezinedi. Onyń jolyn, baǵyt-baǵdaryn Elbasymyz belgilep berdi. – Áńgimeńizge rahmet. Áńgimelesken Álısultan QULANBAI, «Egemen Qazaqstan».

JEDEL JAŃǴYRÝ JOLYMEN

«Nur Otan» partııasynyń XV sezinde uzaq merzimge baǵyttalǵan jáne qoǵam men halqymyzdyń túsinistigin nyǵaıtýdyń kepili bolyp tabylatyn jańa Saıası doktrına qabyldanǵany belgili. Jańa baǵdarlamalyq qujatta adam, bostandyq, birlik, ádildik, zańnyń ústemdigi, otbasy jáne dástúr sııaqty basym baǵyttar naqtylandy. Saıası uıymnyń 1999 jylǵy I sezinde qabyldanǵan baǵdarlamasynda tujyrymdalǵan mindetter men talaptar oıdaǵydaı júzege asyrylyp keledi. Partııanyń negizin qalaýshy – Elba­synyń basshylyǵymen el halqynyń ál-aýqaty men ómir súrý sapasyn art­tyrýǵa baǵdarlanǵan Tuǵyrnama óziniń ómirsheńdigin talaı márte dáleldedi. Adam múddesine, olardyń qamy men qa­jet­tilikterine qyzmet etý, azamattarmen úzbeı únqatysý júrgizý – partııa­nyń halyqty qoldaýynyń basty kózi. Sondyqtan halyq qalaýlylary atanǵan nurotandyqtar azamattarǵa naqty kómek kórsetýdi aınymas qaǵıdatqa aınaldyrǵan. Bul oraıda turǵyndarmen saılaý ýchaskelerinde kezdesý, qoǵamdyq qabyldaýlar ótkizý, ótinish-tilekterin aıaqsyz qaldyrmaý sııaqty jumys for­malary tájirıbege endi. Sonyń aıa­synda sońǵy jyldary oblystyq más­lı­hattyń depýtattary myńnan astam aza­matty qabyldap, olardyń birqatar má­selelerin jergilikti jerde sheship berdi. О́tken kezeńde «Nur Otan» par­tııasy Prezıdenttiń tapsyrmala­ryn dáıektilikpen oryndaıtyn saıası kúsh retinde ornyǵyp, «Qazaqstan-2050» Strategııasyn oryndaýda jumyldyrýshy rólin atqarýda. Basty jetistigimiz el Táýelsizdigine qyzmet etý men elimizdi órkendetý – jańa ǵasyrdaǵy mıssııamyz bolyp qala beredi. Partııanyń múshesi bolyp tabylatyn oblystyq máslıhattyń depýtattaryna jergilikti baǵdarlamalardyń oryndalýyn qadaǵalaý, ındýstrııalyq-ınnovasııalyq damýǵa serpin berý, zań buzýshylyqtardyń aldyn alý, basqa da kóptegen mindetter júktelgen. Depýtattyq saýal, baǵdarlamalar ákimshilerin tyńdaý, jergilikti bıýdjetti naqtylaý tájirıbelerin paıdalana otyryp, óńirdiń áleýmettik-ekonomıkalyq jaǵdaıyn ári qaraı damytý joldary jan-jaqty qarastyrylady. Depýtattar jumysyndaǵy negizgi máselelerdiń biri – áleýmettik seriktestik. Sergeı Leontev, Qýanysh Bıshimov, Sergeı Tımofeev, taǵy basqa halyq qalaýlylarynyń bul baǵyttaǵy jumystaryn erekshe atap ótken oryndy. Depýtattyq korpýs quramynda bedeldi azamattar az emes. Olar qoǵamdyq jumystardy depýtattyq qyzmetpen qosa belsendi atqaryp júr. Baqytjan Sámıeva jetekshilik etetin isker áıelder qaýymdastyǵynyń nátıjeli qadamdary oblystan tysqary jerlerge de tanymal. Al Raıhan Ábdirahmanova «Nur Otan» partııasynyń XV sezinde respýblıkalyq tekserý komıssııasynyń quramyna saılandy. Mundaı mysaldardy kóptep keltirýge bolady. Depýtattardyń barlyǵy Qazaqstan­nyń qarqyndy damý áleýetine qyzmet etýdi basty maqsaty sanaıdy. Iri aýyl sharýashylyǵy qurylymdarynyń basshylary da halyq ókilderi retinde óz ýchaskelerinde ornyqty damýdyń úlgi-ónegelerin kórsetip keledi. Bárı Amoev, Gennadıı Zenchenko, Seıilbek Mahmetov, Altynbek Saparov, Iýrıı Shol sekildi depýtattardyń eren eńbekteri maqtan etýge turarlyq. Oblystyq máslıhattyń depýtaty Gıýlaga Ildyrymov basqaratyn «Novrýz» JShS óz ónimderimen halyqty jyl boıy qamtamasyz etip otyr. Tórtinshi shaqyrylymdaǵy oblystyq máslıhat depýtattarynyń quramy azamattardyń joǵary belsendiligimen balamaly túrde qalyptasty. О́kiletti organnyń ózegi retinde depýtattyq mandatqa tájirıbeli nurotandyqtar saılandy. Olar búginde depýtattyq fraksııanyń quramynda partııanyń saılaýaldy tuǵyrnamasyn iske asyrý, óńirlik baǵdarlamalardy ázirleý, áleýmettik-ekonomıkalyq, ındýstrııalyq-ınnovasııalyq jobalarǵa usynystar engizý, qoǵamdy demokratııa­landyrý úderisterine belsene aralasyp júr. Nurotandyq depýtattardyń bastamasymen ótkizilgen aksııalar jurtshylyq qoldaýyna ıe. Elbasynyń tap­syr­masy boıynsha jaqynda «Kedergisiz aımaq» aksııasy aıasynda 200-ge jýyq múmkindigi shekteýli azamatqa qamqorlyq kórsetý sharasy bastaldy. Olardy jumysqa ornalastyrý, qarjylyq demeý kórsetý, áleýmettik beıimdelýge jaǵdaı jasaý kómekteri jasalatyn bolady. Qazaqstan Prezıdenti, «Nur Otan» partııasynyń Tóraǵasy N.Nazarbaev partııanyń HV sezinde sóılegen sózinde elimizdiń Strategııasyn júzege asyrý, Qazaq elin damýdyń sara jolyna bastaý eń qýatty da áleýetti saıası kúsh – «Nur Otanǵa» júktelip otyrǵanyn aıta kelip, nurly bolashaq jolynda qajyrlylyqpen eńbek etýge shaqyrǵan bolatyn. Naýryz aıynda qurylǵanyna 15 jyl tolǵaly otyrǵan saıası uıymnyń qalyptasý tarıhy bárimizdiń kóz aldymyzda. Tuńǵysh sezdiń qalaı ótkeni de kókeıimizde jattalyp qalypty. Búginde belgilengen strategııalyq talaptardy oryndaý – partııalyq baǵdarlamalardyń negizgi ózegi. Úlken ózgerister men jalpyulttyq birliktiń uıytqysyna aınalǵan partııa jedel jańǵyrý jolymen ilgeri basa beretini anyq. Qaıyrly EDIRESOV, oblystyq máslıhat hatshysy. Soltústik Qazaqstan oblysy.  

HALYQTYŃ JOǴYN TÚGENDEIDI

«Nur Otan» partııasynyń 15 jyldyǵy qarsańynda onyń baıyrǵy múshesi, partııa Saıası keńesiniń múshesi, Respýblıkalyq ardagerler uıymy Ortalyq keńesiniń tóraǵasy О́mirzaq OZǴANBAEVTY áńgimege tartqan edik. – 1999 jyldyń 1 naýryzynda «Otan» respýblıkalyq saıası partııasynyń alǵashqy quryltaı sezi ótti. Sol sezd kúni búginge deıin kóz aldym­da. Oǵan barlyq oblystar, aýdan­dar jáne qalalardan 400-ge jýyq delegat qatysty. Sonyń ishinde 104-i kásipkerler men bıznesmender, 122-si memlekettik qyzmetkerler jáne basqalar bolǵan edi. Qatysqan delegattardyń barlyǵy biraýyzdan Prezıdent Nursultan Nazar­baev­ty partııa tóraǵasy etip saılady. Mine, sodan beri bizdiń partııamyz eldiń ishindegi jáne syrtyndaǵy turaqtylyq pen tynyshtyqtyń myzǵymaýyna, ekonomı­kalyq damýdyń úzilmeýine, halyqty áleýmettik qoldaý sharalarynyń arta túsýine Úkimet nazaryn aýdaryp, elge qyz­met etip keledi. Sonyń arqasynda ha­lyq arasynda zor bedelge ıe bolyp, úlken uıymǵa aınaldy. Qazir partııanyń 250 fılıaly, 6300 bastaýysh uıymy bar. – Buryn saıası partııalardyń qa­ta­rynda bolyp pa edińiz? Bolsańyz, «Nur Otannyń» olardan qandaı erek­shelikteri bar? – Men de ózimniń qatarlastarym táriz­di kommýnıstik partııanyń qatarynda bol­dym. Bul partııanyń joǵary baspal­daqtarynda óz fýnksıonerleri bolǵan da shy­ǵar, al tómengi býyndaǵy bizder onyń qaǵı­dattaryna barynsha adal boldyq. Kom­mýnıst degen sózdiń ózi ary taza, jany taza, qoly taza adal adam degen uǵymdarmen egiz bolatyn. Biz sol uǵymdardy barynsha q­a­tań saqtaýǵa tyrystyq jáne sol asyl qa­sıettermen ózimizdi de, urpaǵymyzdy da tárbıeledik. Qalaı desek te kommýnıstik partııa bizdi sanaly, mádenıetti bolýǵa úı­retti. Adamı qundylyqtar qataryna biz eshqashan aqshany, baılyqty sanaǵan emespiz. Qaıtalap aıtaıyn, partııanyń negiz­gi prınsıpterinen, qatań talaptarynan aýytqyǵan joǵary deńgeıdegi basshylar partııanyń bedelin aqyry túsirip tyndy. Qatardaǵy músheler bul isten qatty tiksinip, endigi jerde saıası partııanyń qataryna enbesteı bolǵan edik. Alaıda, elimiz táýelsizdik alǵanda halyqqa paıdamyzdy tıgizý úshin «Nur Otan» partııasynyń qataryna kirdik. Ol óziniń asyl murattarynan aınyǵan emes, tek halyqqa adal qyzmet etip keledi. Sondyqtan da onyń halyq aldyndaǵy bedeli joǵary. – Siz «Nur Otannyń» Saıası keńe­si­niń belsendi múshesiniń birisiz. О́zińiz at­­qarǵan jumystar týraly da aıta ketseńiz? – Partııa qaıda jumsasa sonda baramyn degen sóz bolýshy edi buryn. Solaı degendeı, «Nur Otanǵa» qoldan kelgen kómegimizdiń barlyǵyn jasaımyz. Partııanyń sheshimderi men alǵa qoıǵan mindetteri men maqsattaryn túsindirý úshin belsendi nasıhat tobynyń quramynda birneshe ret issaparlarǵa shyqtym. Halyq Elbasy Nursultan Nazarbaevtyń partııasy bolǵandyqtan da, «Nur Otanǵa» senedi, kópshiliktiń yqylasy erekshe bólek. Qoǵamdyq qabyldaýlarǵa kóp qatystym. Azamattar quqyq qorǵaý organdary men memlekettik qyzmetshilerdiń salǵyrt­ty­ǵynan sheshilmeı kele jatqan máseleleri­niń oń sheshilýine úles qostym. «Nur Otannyń» belsendisi bolǵandyqtan, tike­leı ózimnen de kómek surap hat jazǵandar kóp boldy.  Áli de hattar kelip jatyr. Qol­dan kelgenshe olardyń máseleleriniń de oń sheshilýine járdem berýdemin.  Partııanyń HIV sezinde bıik minberden sóılep, ózimniń oılarymdy ortaǵa da saldym. – Respýblıkalyq ardagerler uıymy Ortalyq keńesiniń tóraǵasy retinde qart adamdardyń «Nur Otanǵa» degen senimin jaqsy biletin bolarsyz? – Álbette. Bizdiń qarttarymyz ómir­diń qıyn-qystaý ótkelderinen ótken bilikti, tájirıbeli adamdar ǵoı. Olar kez kelgen máselege baısaldylyqpen, úlken ustanymmen qarap, sabyrmen salmaqtaıdy. Eshqashan órekpip, joq nárseden týlaý degen bizdiń qarttarymyzǵa múlde jat qubylys. Elbasy bastaǵan «Nur Otan» partııasynyń halyqqa jasap jatqan jaqsylyqtaryn, ásirese, áleýmettik máselelerdi sheshýdegi belsendilikterin olar kórip te júr jáne osy eńbekterin joǵary baǵalaıdy. Partııanyń HV sezinde Elbasy N.Nazar­baev  «Halyq kózdegini ǵana emes, kóńil­degini de kóredi» dep aıtqan edi. Sol sózder  aınadaı aqıqat. – Jańa bir sózińizde HV sezd tý­raly aı­­typ qaldyńyz. Bul sezdiń ózge jıyn­­dardan qandaı aıyrmashylyǵy bar?   – Bul sezd Elbasy Nursultan Nazar­baevtyń «Qazaqstan-2050» Strategııasyn jarııalaǵannan keıingi eń birinshi jıyn boldy. Onda Elbasy Strategııanyń múltiksiz júzege asýy eldegi eń qýatty saıa­sı kúsh – «Nur Otannyń» belsen­diligine tikeleı baılanysty ekendigin qadap aıtty.  «Elimizdi álemniń eń qýat­ty 30 eli­niń qataryna qosý – aldy­myzdaǵy úl­ken, uly maqsat. Bul «Nur Otannyń» bolashaqqa jol silteıtin temirqazyǵy bolýǵa tıis» dedi. Búginde sol mindetti oryndaý maqsatynda partııa belsendileri qyzý jumys ústinde. Solardyń qatarynda bolǵanym úshin ózimdi baqytty sanaımyn. – Áńgimeńizge rahmet. Áńgimelesken Jaqsybaı SAMRAT, «Egemen Qazaqstan».  

EŃ QYMBATY – EL SENIMI

Bizdiń ótinishimizge oraı KTK telearnasynyń menshikti habarlar dırektory, tanymal telejýrnalıst, «Nur Otan» partııasy Saıası keńesiniń múshesi, «Nur Otan» partııasy janyndaǵy Sybaılas jemqorlyqqa qarsy kúres jónindegi respýblıkalyq qoǵamdyq keńestiń múshesi Artýr PLATONOV óz oı-tolǵanystaryn ortaǵa saldy. – Adamdardyń ne oılaıtynyn, ne aıtatynyn, kúndelikti tynys-tirshiligin, nemen ómir súrip, ne nársege úmittenip senim artatynyn bilip otyrý kez kelgen partııanyń jumysyndaǵy mańyzdy ustanym bolsa kerek. Árıne, ýáde berýge bári maman, jurttyń barlyǵy derlik osy zamanda ádemi sóılep úırengen. Al solardyń ýádede turatyndary, aıtqan sertten shyǵatyndary sırek, neken-saıaq. Bul aıtylǵandardan óz azamattaryńa degen qurmet deńgeıi kórinedi. Al endi sol adamdardan surap kórińiz­shi: bıik minberden málimdegen ýádesin kimder oryndady? Olardy kim qabyldap, muń-muqtajdary jaıynda kim áńgimelesti? Kópshiliktiń túıtkilderin sheshýge tyrysyp, kóbin sheship te júrgen kim eken? Iá, «Nur Otandy» synaýshylar tabylady. Soǵan qumarlar da bar. Synaýǵa turarlyq kemshilikter de joq emes. О́ıtkeni, kúrdeli de qarbalas jumys turaqty júrip jatyr. Kútilgen nátıjege árdaıym qol jete bermeıtini de ras. Jumys istemeıtinder ǵana qatelespeıdi. Qalaı bolǵanda da bul aqıqat ómir, naqty ister. Alǵa jyljý men ilgerileý kózge kórinip-aq tur. Árıne, is-qımyl neǵurlym qarqyndyraq bolsa eken deısiń. Jalaqylar, zeınetaqylar, járdemaqylar, áleýmettik tólemaqylar tezirek ósýin qalaısyń. Dollarǵa táýeldi bolmasaq qoı, álemdik qarjy daǵdarysy bizge tek oń yqpalyn tıgizip, zaýyttar ondap emes, júzdep salynsa, júzdegen myń jumys oryndary ashylsa eken dep tileısiń. Al 20 jyl buryn qandaı edik? Osyny eske alyp, oılanatyn sátimiz bola ma? Aqshany shyny bankilerde saqtaýshy edik qoı. Qytaıdyń arzanqol buıymdaryn ǵana qanaǵat etýshi edik qoı. Uıaly telefon baılyq belgisi sanalatyn. 200 dollarlyq jalaqy baqyttyń bıik shyńyndaı kórinetin. Joldarymyzda jaqsy jańa mashınalar múldem derlik ushyraspaıtyn. KSRO ydyraǵan kezdegi quldyraǵan ekonomıkany búgingi órkenıet órine qara narsha súırep shyǵý úshin qandaı tolaǵaı erlik, kemeńgerlik qudiret qajet boldy deseńizshi. Sol kezderde Memleket basshysy, partııa Tóraǵasy óz partııalastarynyń aldyna alys jyldardy qamtyǵan aýqymdy da asqaraly mindetter qoıdy, keleshekti qyran kóregendigimen boljaı bildi. Bizdiń búgingi jetken ǵalamat tabystar, ómirlik aqıqattar ol kezde kópshilikke oryndalmas alys armandaı bolyp elesteıtin. Kúmán keltirýshiler kóp edi. Sol kezde eń bir kúrdeli álemdik qarjy daǵdarysynda bizdiń, qıyndyqtarǵa qaramastan, áleýmettik baǵdarlamalardyń oryndalýyn qysqartpaǵan sırekterdiń qatarynan tabylatynymyzdy kim boljapty? Iá, bireýler bilmestikpen, bireýler qasaqana nemese bas paıdasyn kózdep aqty qara dep atasa, bul, árıne, ádilettilik pen baıyptylyqqa jatpaıdy. Partııany synaýdyń da jóni bar. Syn negizdi bolsyn, iskerlik usynystar aıtylsyn, ortaq kúsh-jigerdi osylaısha Otanymyzdyń ıgiligi men órkendeýi jolynda biriktireıik. Osy arada oılaısyń, bálkim, bireý­lerdiń júrer joly turmaq, kózdegen maqsattary da basqa bolar. Olar Otandy qajetsinbeıdi. Olar tek óz qulqyndarynyń quly. Tipti, keıbireýlerdiń pasyq morali turǵysynan alǵanda, tabysy aıdan anyq kórinip tursa da, bılikti qorǵaý ersi, uıat sanalmaq. Al synap sógý abyroıly sııaqty. Osy rette halyqqa memlekettiń saıasatyn dáleldi, aıqyn da uǵynyqty túsindiretin, qoǵam qoıyp otyrǵan suraqtarǵa saqyl­datyp týra jaýap beretin azamattar da asa kóp dep aıta almaımyz. Igilikterdi, artyqshylyqtardy paıdalanýǵa kelgende kóp bolyp ketemiz de, naqty iske kelgende kenetten aýzymyzǵa qum quıylyp, úndemeı qalamyz. Bizdi sybaılas jemqorlyq úshin únemi ádil synap jatady. Prezıdenttiń bastamasy boıynsha «Nur Otan» partııasynyń janynan Sybaılas jemqorlyqpen kúres jónindegi respýblıkalyq qoǵamdyq keńes qurylǵan bolatyn. Oǵan bedeldi de baıypty, qadirmendi adamdar kirdi. San alýan kókeıkesti taqyryptar qozǵalýda. Elbasynyń sońǵy tarıhı Joldaýynda alǵa tartylǵan mindetterge sáıkes jemqorlyqqa qarsy kúres jańa satyǵa kóterildi. Kóp nárseler jańasha bezbendelýde. Buryn as úıde ǵana aıtylatyn nárseler búkil elge jarııa etildi. Joǵary laýazymdy sheneýnikter bultara almaıtyn jaǵdaıǵa jetti. Keńeste olar uıalyp keshirim suraıtyn, keıde ókinishterin bildiretin... Birtalaı qylmystyq ister qozǵalǵany da belgili. Aıtqandaı, Rysqalıev pen oǵan senip tapsyrylǵan oblys jaıynda bizdiń qoǵamdyq keńeste alǵash ret aıtyldy. Munda ózimizdiki-ózgeniki, partııa múshesi-múshesi emes degen nárse joq. Oǵan eshkim qaramaıdy. Munda memleket pen qoǵamnyń múddesi ǵana bar. Ol múddeler bárinen joǵary turýy tıis. Memleket qarjysyn eshkim urlamaýy shart. Sybaılas jemqorlyqqa qarsy kúres arqyly partııa jumys tıimdiligin arttyrǵanyn aıǵaqtady. Partııa men Keńeske qarapaıym azamattar tarapynan senim ulǵaıdy. Olar meıli mınıstr, general, ulttyq kompanııa basshysy bolsa da, quqyna qol suǵylmaıtyndar joq ekendigin kórip-bilip otyr. Joǵary laýazym nemese partııa músheligi jazalanbaýǵa kepildik bere almaıdy, jasaǵan qylmysy úshin jazadan qutqarmaıdy. Eger adam quqyq nemese ar normasyn attasa, oǵan, tipti, depýtattyq oryntaq ta kómektese almaıdy. Partııa ustanymynda kirshiksiz taza abyroı-bedel neǵurlym mańyzdyraq bola tústi. Jaýapty adamdar aımaqtarǵa turaqty shyǵyp, halyqtyń ómirin, turmysyn, tynys-tirshiligin, muń-muqtajyn muqııat zertteıtin boldy. Halyq qalaýlylary Parlamentte eshqashan áleýmettik máselelerge dál qazirgideı kóńil bólgen emes, bıýdjetke egjeı-tegjeıli qyzyǵýshylyq tanytqan emes, áralýan baǵdarlamalardy da qazirgideı shuqshııa qadaǵalamaıtyn. Adamdar osynyń bárin kórip otyr. Partııa jóninde óz tujyrymdaryn jasap, baǵalaryn berip otyr. Halyq óz qarjylarynyń qaıtarymyn, túpki nátıjeni talap etýge haqyly. Elbasy únemi aıtyp júrgendeı, laýazym ıeleriniń ózderine qyzmet etkenin, esep berýin talap etýge haqyly. О́z kezeginde is basyndaǵy azamattar da jaýapkershilikterin arttyryp, kúsh-jigerlerin ortaq mindetti sheshýge jumyldyra túsýde. Osy jaǵdaı kókeıge úmit uıalatady. Eń bastysy, halyqtyń senimi men qoldaýy aıqyn seziledi. О́ıtkeni, berilgen barlyq ýádeler árdaıym oryndalyp keledi, eleýli jumystar turaqty túrde júrgizilip jatyr. Nurotandyqtar úshin eń qymbaty – halqymyzdyń senimi. Jazyp alǵan Qorǵanbek AMANJOL, «Egemen Qazaqstan». ALMATY.