Áıgili The Ring tilshisi Maıkl Montero qazaqstandyq kásipqoı boks sheberi Jánibek Álimhanulynyń kásibı mansabyna qatysty pikirimen bólisti, dep habarlaıdy Egemen.kz.
«Jánibek sońǵy jekpe-jeginde tamasha jeńiske qol jetkizdi. Ol óziniń shyn sheber ekenin kórsetti. Meniń oıymsha ol WBO tujyrymy boıynsha orta salmaqtaǵy álem chempıony Demetrıýs Andrademen judyryqtasýǵa tolyq daıyn. Bul keremet kezdesý bolar edi. Ekeýiniń jeńiske jetý múmkindigi teń», deıdi amerıkalyq sarapshy oıymen bólisip.
Iá, muhıttyń arǵy betindegi kóptegen sarapshylar Jánibektiń fransýz óreni Hassan Ndam Njıkamdy ońaı jeńgeni jaıly jarysa jazyp jatyr. Olar qazaq boksshysy bolashaqta orta salmaqtaǵy áıgili otandasymyz Gennadıı Golovkındi joqtatpaıdy degendi de alǵa tartty.