Madrıdte Devıs kýbogy fınaldyq kezeńiniń toptyq básekesinde Qazaqstan quramasy Shvesııadan basym tústi, dep habarlaıdy Egemen.kz.
Juptyq synda Andreı Golýbev pen Aleksandr Nedovesov dýeti Andre Goransson men Robert Lındsterdtpen kortqa shyqty.
Birinshi partııada qazaqstandyq jup eki breık jasady - 6:3. Olar ekinshi sette de 3:0 esebimen alǵa ketti. Aqyry sol qarqynyn tómendetken joq - 6:3.
Bir saǵattan astam ýaqytqa sozylǵan kezdesý barysynda A.Golýbev pen A.Nedovesov 3 eıs jasap, 6 breık-poınttyń úsheýin múlt jibergen joq. Osylaısha Qazaqstan quramasy toptyq básekedegi alǵashqy matchta Shvesııany 2:1 esebimen jeńdi.
Endi qazaqstandyq tennısshiler Kanada komandasymen oınaıdy.