Orta salmaqtaǵy IBF jáne IBO tujyrymdary boıynsha álem chempıony, otandasymyz Gennadıı Golovkın men WBA (super) belbeýiniń ıegeri, japonııalyq Rıota Mýrata arasyndaǵy shaıqas belgilengen ýaqytynda ótpeýi múmkin, dep habarlaıdy Egemen.kz.
Japonııa bıligi koronavırýs ınfeksııasynyń jańa shtamy «omıkronnyń» paıda bolýyna baılanysty shekaradan sheteldikterdi ótkizbeıtin boldy. Elde karantındik sharalar 1 jeltoqsannan bastap kúsheıtilmek. Osy jaǵdaıǵa baılanysty álemdik BAQ Golovkın-Mýrata jekpe-jegi ýaqtyly uıymdastyrylmaýy yqtımal dep qaýiptenip otyr.
Iá, Japonııa bıligi karantındik sharalardy qatty kúsheıtken jaǵdaıda Golovkınniń shekaradan ótýi qıyndaıdy. Alaıda qazaqstandyq boksshy dál qazir daıyndyǵyn toqtatqan joq. Mamandar da bul shaıqastyń ýaqtyly ótkenin qalaıdy.