Jeńil salmaqtaǵy UFC-diń burynǵy ýaqytsha chempıony Dastın Pore 2019 jyly álem úzdigi Habıb Nýrmagomedovke ese jibergen kezinde qandaı sezimdi basynan ótkergeni týraly aıtty, dep habarlaıdy Egemen.kz.
«Ol kezde men qatty qınaldym. Qonaqúıdegi nómirime kelgende ómirimdegi eń mańyzdy múmkindikti ýysymnan shyǵaryp alǵanymdy sezindim. Alaıda jalǵyz qalǵanda bárin oı eleginen ótkizedi ekensiń. Aınaǵa qaraǵanda shyndyq aldyńnan shyǵady. Sol shyndyqqa tik qaraý keıde qıynǵa soǵady.
Maǵan óz-ózimdi betimnen uryp, es jınaý ǵana qaldy. Sary ýaıymǵa salynbaý kerektigin túsindim. Alaıda ómirdiń jeńilis arqyly sabaq bergenine razymyn. Barlyq kedergi – biz júrip ótetin joldyń bir bóligi. Bizdiń súıikti isimizdiń bir ǵajaby da sonda jatsa kerek», dedi AQSh sportshysy óz oıymen bólisip.