Túrkııanyń densaýlyq saqtaý mınıstrligi Ystanbuldaǵy daýyldan jaralanǵandardyń sany 38 adamǵa jetkeni jaıly aqparat taratty, dep habarlaıdy Egemen.kz.
Qala bıligi qatty jeldiń saldarynan tórt adam qaza taýyp, 19 adam jaraqat alǵanyn habarlaǵan.
«Tabıǵı apat saldarynan 38 adam jaraqat aldy, taǵy 4 adam qaıtys boldy», delingen mınıstr Fahrettın Hodjanyń habarlamasynda.
Buǵan deıin Túrkııanyń jaǵalaý kúzeti basqarmasy qatty jeldiń saldarynan Bosfor buǵazyndaǵy kemeler qozǵalysyn toqtata turýǵa májbúr bolyp otyrǵany týraly habarlaǵan edi. Dál sol sebepti Turkish Airlines avıakompanııasynyń birneshe ushaqtary Ystanbulǵa qona almaǵan.