Mınıstr Alekseı Soı Dúnıejúzilik densaýlyq saqtaý uıymynyń bas dırektory Tedros Gebreıesýspen kezdesti, dep habarlaıdy Egemen.kz.
«Biz COVID-19-ǵa qarsy qazaqstandyq eki vaksına týraly aıtyp berdik. Bireýi – ınaktıvti QazCovid-in (nemese QazVac) vaksınasy, ekinshisi – QazCoVac-P vaksınasy. Qazaqstan Respýblıkasynda QazVac 18 aıǵa ýaqytsha tirkeýden ótti. Ol musylman elderinde jasalǵan jalǵyz vaksına bolyp sanalady. Qazaqstan musylmandary dinı basqarmasy oǵan halal kýáligin bergen», dep jazdy Soı áleýmettik jelidegi paraqshasynda.
Al QazCoVac-P vaksınasy bıyl maýsym aıynda Dúnıejúzilik densaýlyq saqtaý uıymynyń klınıkalyq zertteýler fazasyndaǵy kandıdat vaksınalar tizimine qosylǵan bolatyn.
«Biz DDSU basshysynan qazaqstandyq vaksınalardy tirkeý jumysyn tezdetýdi suradyq», dep atap ótti mınıstr.
Sondaı-aq kezdesý kezinde koronavırýstyń jańa shtamy – omıkronǵa qarsy is-sharalar talqyǵa salyndy. Búginde vırýstyń jańa úlgisi álemniń 10 elinde anyqtaldy. Aldyn ala málimetke sáıkes, onyń taralý qaýpi joǵary jáne antıdenelerge qarsy tura alady.