Aqtóbe oblysynda bir táýlikte 5 páter tonaǵan kúdiktiler ustaldy. Bul týraly «24 kz» habarlady.
Kórshiles Qostanaı oblysynan kelgen 37-38 jas shamasyndaǵy 3 jigit 5 páterdegi altyn buıymdardy, baǵaly kıimderdi,turmystyq tehnıkalardy jáne aqshany qoldy etken. Olar páter ıeleriniń úıde joqtyǵyn paıdalanyp, esikti buzyp oıyndaǵy isterin iske asyrypty. Jalpy, jyl basynan beri osy qalada 100-den asa páter tonaý deregi tirkelip, 4 qylmystyq top qolǵa túsken. Aralarynda Almatydan arnaıy páterdegi múlikti tonaýǵa kelgenderi de bar. Qazir osy qylmystyq top músheleri tergeý ızolıatorynda otyr.
Aqtóbe qalalyq ishki ister bólimi basshysynyń orynbasary Arman Dáýletovtiń aıtýynsha, 5 páter múlkin qoldy etken kúdiktiler de qamaýǵa alynǵan. Qazir olar týraly ózge óńirlerde de tekserý isi júrgizilýde.
Ámirhan Almaǵanbetov.
Derekkóz: «24 kz».
Foto: «24 kz».