Birinshi jartylaı orta salmaq dárejesinde synǵa túsip júrgen qazaqstandyq kásipqoı boksshy Batyr Júkembaevtyń sharshy alańǵa qashan oralatyny belgili boldy, dep habarlaıdy Egemen.kz.
Boxrec.com saıty taratqan málimetke zer salsaq, qazaq boksshysy 11 jetoqsan kúni rıngke shyǵýdy josparlap otyr. Ol AQSh tórinde ótetin boks keshinde baq synap kórmek.
Sońǵy ret osy jyldyń mamyr aıynda sharshy alańǵa kóterilgen Batyr Júkembaev kásibı mansabynda alǵash ret jeńilistiń kermek dámin tatqan bolatyn. Pýerto-Rıko eliniń boksshysy Sabrıel Matıaspen qolǵap túıistirgen otandasymyz qarsylasyna merziminen buryn ese jibergeni este. Endi ol sol kezdesýde ketken qatelikterden sabaq shyǵaryp, kásibı mansabyndaǵy jańa qadamyn bastap kórmek.