«Taraz» fýtbol mektebiniń túlegi Baqtııar Zaınýtdınovtyń komandasy «SSKA» fýtbol klýby Reseı premer-lıgasynyń kezekti týryn syrt alańda ótkizip, Samaranyń «Krylıa Sovetov» komandasynan aılasyn asyrdy, dep habarlaıdy Egemen.kz.
Bul kezdesýdiń birinshi kezeńinde qos komanda fýtbolshylary alma-kezek shabýyldar uıymdastyrǵanymen esep asha almady. Kezdesýdiń ekinshi kezeńinde «SSKA» fýtbolshylary jeńisti julyp aldy. Oıynnyń 79 mınýtynda Emıl Bohınen óz múmkindigin utymdy paıdalanyp, komandasyn esepte alǵa shyǵardy. Tablodaǵy kórsetkish oıyn aıaqtalǵansha ózgergen joq. 1:0 esebimen basym túsken máskeýlikter negizgi quramǵa qazaq fýtbolshysyn qosty. Ol jasyl alańda 76 mınýt boıy belsendi oınady.