Parlament Májilisiniń Tóraǵasy Nurlan Nyǵmatýlın Májilistiń shaqyrýymen Qazaqstanǵa alǵash ret resmı saparmen kelgen Fınlıandııa Parlamentiniń Tóraǵasy Eero Heınıalýomamen kezdesti, dep habarlady osy palatanyń baspasóz qyzmeti.
Taraptardyń atap ótkenindeı, eki memleket – syrtqy saıası jáne ekonomıkalyq mańyzdy áriptester. Eki el basshylarynyń etene baılanystary da eki jaqty qarym-qatynasty odan ári qarqyndy damytýǵa degen qulshynystyń aıqyn kórsetkishi.
О́zara yntymaqtastyqtyń mańyzdy baǵyttarynyń qatarynda ınnovasııa, «jasyl ekonomıka», bilim, sondaı-aq, BUU, EQYU, Eýropa Keńesi, basqa da halyqaralyq birlestikter men uıymdar aıasyndaǵy belsendi is-qımyldy atap ótýge bolady. Májilis Tóraǵasy: «Bizdiń elderimizdiń «jasyl kópir» baǵdarlamasy sheńberindegi yqpaldastyǵy «jasyl» tehnologııalar salasyndaǵy ózara is-qımyldyń jarqyn úlgisi bola alady. Biz fınlıandııalyq áriptesterimiz qazaqstandyq bastamaǵa qoldaý kórsetip, «Jasyl kópir» áriptestigi baǵdarlamasy týraly Hartııaǵa qosylady dep esepteımiz», dedi.
Qazaqstannyń bolashaq damýy týraly aıtqanda Nurlan Nyǵmatýlın Elbasynyń «Qazaqstan-2050» Strategııasyn júzege asyrý asyl murattarǵa jetý jolynda barsha qazaqstandyqtardy biriktirgenin atap ótti.
О́z kezeginde Eero Heınıalýoma, Qazaqstannyń aımaqtaǵy jáne álemdik arenadaǵy rólin joǵary baǵalaı kelip, bizdiń elimiz jetistikteri, sondaı-aq, Qazaqstan damýyndaǵy turaqtylyq dúnıejúzi elderi úshin úlgi ekendigin aıtty.
Beıbitshilikti, turaqtylyqty, qaýipsizdikti nyǵaıtý máselesin sóz etkende Nurlan Nyǵmatýlın Elbasy Nursultan Nazarbaevtyń barlyq antııadrolyq bastamalarynyń mańyzdylyǵyna toqtaldy. Ol bastamalar halyqaralyq qoǵamdastyqta bizdiń elimiz jaýapkershiliginiń joǵary deńgeıin kórsetedi.
– Qazaqstan Eýroodaqtyń qaýipsizdik máselesi jóninde Eýroodaq – Ortalyq Azııa joǵary deńgeıli únqatysý qurý bastamasyn qoldady jáne onyń damýyna barynsha yqpal etýge daıyn, – dedi Nurlan Nyǵmatýlın. Májilis Spıkeri, sondaı-aq, qazaqstandyq parlamentshilerdiń Taıaý Shyǵysta ıadrolyq qarýdan jáne jappaı qyryp-joıatyn qarýdan azat aımaq qurý týraly halyqaralyq konferensııaǵa qatysýǵa daıyn ekenin jetkizdi. Shara Helsınkı qalasynda ótedi dep josparlanǵan. Nurlan Nyǵmatýlınniń aıtýynsha, Qazaqstan úshin negizgi basymdyqtardyń biri – eýropalyq quqyqtyq keńistikke qosylý bolyp tabylady. Osyǵan oraı eki el spıkerleri parlamentaralyq qarym-qatynasqa aıryqsha nazar aýdardy. Ony damytýǵa qos memlekettiń zańnamalyq organdarynda qurylǵan yntymaqtastyq jónindegi toptar óz yqpalyn tıgizbek.
Nurlan Nyǵmatýlın men Eero Heınıalýomanyń atap ótkenindeı, ózara is-qımyldy kúsheıtý úshin fraksııalar men komıtetter arasynda berik baılanys ornatý aıryqsha ról atqarmaq. Májilis Tóraǵasy: «Fınlıandııalyq áriptesterimizdiń ınnovasııalyq damýdy zańnamalyq qamtamasyz etý, bilim júıesin jetildirý, ekonomıkaǵa «ekologııalyq» kózqaras salasyndaǵy tájirıbeleri bizdiń erekshe nazarymyzda. Biz EQYU PA, Parlamentaralyq Odaq, basqa da halyqaralyq parlamenttik uıymdar aıasynda bir-birimizdiń bastamalarymyzdy ózara qoldaý múmkindigimiz zor», dep atap ótti.
Kezdesý sońynda Májilis Spıkeri Fınlıandııa Parlamenti Tóraǵasynyń sapary eki el parlamentteri arasyndaǵy saıası únqatysý men ózara túsinistikti ornyqtyrýǵa yqpal etetinine senim bildirdi.