Ulybrıtanııalyq belgili promoýter Eddı Hırn WBO tujyrymy boıynsha orta salmaq dárejesindegi álem chempıony Demetrıýs Andradege áli kúnge úlken jekpe-jek uıymdastyryp bere almaı júrgenine ókinetinin aıtty, dep habarlaıdy Egemen.kz.
«Demetrıýspen óte jaqsy qarym-qatynastamyz. Biz oǵan kóp somada aqsha berdik. Úlken jekpe-jekter uıymdastyrý jolynda jan aıap qalǵan joqpyz. Alaıda Demetrıýs Andradege úlken jekpe-jek ótkizetin múmkindik tabylmaı tur. Biraq men bar yntammen sol jolda ter tóktim. Bul meniń qolymnan kelmeı jatsa da, men onyń úlken shaıqasqa shyqqanyn kórgim keledi», dedi promoýter.