Jeńil salmaqtaǵy álemniń burynǵy absolıýtti chempıony Teofımo Lopes sońǵy jekpe-jeginen keıin ózin jaısyz sezingen, dep habarlaıdy Egemen.kz.
«Ol sharshy alańda mert bolýy múmkin edi. Boksshynyń qalaı dem alǵanyn sózben aıtyp jetkize almaımyn. Ondaı jaǵdaıda sharshy alańda bokstasý óte qıyn ekeni aıtpasa da túsinikti shyǵar», deıdi dáriger Lında Dal.
Tipti Teonyń sharshy alańǵa shyqpaı turyp erkin tynystaýy qıynǵa soqqan kórinedi. Salmaq ólsheý rásimi jaqyndaǵanda onyń derti tipti asqynǵan eken.
«Men bul bar bolǵany demikpe dertten shyǵar dep oıladym. Buryn aýyrǵanyma qaramastan rıngke shyǵyp júrgenmin. Bul jaǵdaıdy qupııa ustadym. Komandadaǵylar bilse meni rıngke shyǵarmas edi. Men eldiń «Mine, syltaý taýyp jekpe-jek ýaqytyn uzartyp otyr» degen sózin estigim kelmedi. Sondyqtan da rıngke kóterilip, jaǵdaıdy ýshyqtyrdym», deıdi boksshynyń ózi.