Memleket basshysy Nursultan Nazarbaev Fınlıandııa Parlamentiniń Tóraǵasy Eero Heınıalýomamen kezdesti, dep habarlady Prezıdenttiń baspasóz qyzmeti. Kezdesýde ekijaqty yntymaqtastyq perspektıvalary, sondaı-aq, halyqaralyq kún tártibindegi ózekti máseleler talqylandy.
Nursultan Nazarbaev Fınlıandııa Parlamenti Tóraǵasynyń alǵashqy saparyna iltıpatyn bildire kelip, bul elmen Qazaqstan ekonomıkalyq jáne saıası yntymaqtastyqty damytýǵa múddeli ekenin atap ótti.
– Qazirgi ýaqytta ózara tıimdi yntymaqtastyǵymyzdy odan ári damytý úshin eki el parlamentteri qaraýǵa tıis birqatar kelisimder bar. Fınlıandııanyń sońǵy jyldary qol jetkizgen jetistikteri tánti etedi jáne biz bilim berý, jańa tehnologııany damytý men engizý salasyndaǵy sizderdiń tájirıbelerińizdi qabyldaýǵa daıynbyz. Bizdiń ındýstrııalyq-ınnovasııalyq baǵdarlamamyz birqatar fın kompanııalarynyń Qazaqstanda jumys isteýine múmkindikter beredi, – dedi Memleket basshysy.
E.Heınıalýoma eki el arasyndaǵy qarym-qatynastyń joǵary deńgeıde ekenin atap ótti jáne Fınlıandııa Prezıdenti S.Nıınıstıoniń sálemin jetkizdi. Sondaı-aq, Fınlıandııa Parlamentiniń Tóraǵasy bıznes salasyndaǵy yntymaqtastyqtyń áleýetine toqtaldy.
– Kóptegen fın kompanııalary energııa únemdeýshi jáne energııa jaǵynan tıimdi «taza» tehnologııalarmen, sondaı-aq, «jasyl» tabıǵı resýrstar óndirýmen aınalysady, ol jaǵdaıda tabıǵat búlinbegen kúıinde saqtalady, – dedi E.Heınıalýoma. Sonymen qatar, ol «Finnair» Fınlıandııa ulttyq avıatasymaldaýshysy Astana men Helsınkı arasynda tikeleı reısterdi júzege asyrýǵa daıyn ekenin habarlady.
Buǵan qosa, Fınlıandııa Parlamentiniń Tóraǵasy óz eliniń Qazaqstan Prezıdentiniń bastamasy bolyp tabylatyn «Jasyl kópir» seriktestik baǵdarlamasy týraly hartııaǵa qosylatyny jónindegi sheshimi týraly aıtty.
Sýretterdi túsirgender
S.BONDARENKO, B.OTARBAEV.