Qasym-Jomart Toqaev Qyrǵyz Respýblıkasynyń Prezıdenti Sadyr Japarovty týǵan kúnimen quttyqtap, ıgilikter men onyń jaýapty memlekettik qyzmetine tabys tiledi, dep jazady Egemen.kz Aqordaǵa silteme jasap.
Qasym-Jomart Toqaev Qyrǵyzstannyń Joǵarǵy Keńesine saılaýdyń sátti ótkenine qoldaý bildirip, Parlamenttiń jańa quramy memlekettiń turaqty damýyna qomaqty úles qosatynyna jáne qazaq-qyrǵyz dostyǵyn, tatý kórshilik pen odaqtastyqty odan ári nyǵaıtýǵa yqpal etetinine senim bildirdi.
Eki eldiń basshylary saýda-ekonomıkalyq, ınvestısııalyq jáne mádenı-gýmanıtarlyq yqpaldastyqty tereńdetýge baǵyttalǵan ýaǵdalastyqtardyń iske asyrylý barysyn talqylady.