Qazaqstan arqyly ótetin tranzıttik konteınerlik tasymal kólemi 1 mln jıyrma fýttyq ekvıvalenti jetti, dep habarlaıdy Egemen.kz «Qazaqstan temir jolyna» silteme jasap.
Tranzıttik poıyz mıllıonynshy konteınerdi Qytaıdyń Sıan qalasynan Altynkól stansasyna jetkizdi. «KTZE Khorgos Gateway» qurlyq portynda temir jol kóligi tar joldan keń jolǵa aýystyrylǵannan keıin konteıner Aqtaý portyna, odan ári Kaspıı teńizi arqyly Túrkııanyń Mersın qalasyna jóneltiledi.
Konteınerdi Sıannan Mersınge aparýǵa 17 kún ketedi. Eki ara - 9 myń shaqyrym.
Aıta keteıik, 2016 jyldan bastap tranzıttik konteınerlik tasymaldaý kólemi 4,5 ese kóbeıgen. Sarapshylar bul úrdis aldaǵy jyldary da jalǵasady degen boljam jasap otyr.