Bul týraly Nur-Sultan qalalyq qoǵamdyq densaýlyq saqtaý basqarmasy basshysynyń orynbasary Álııa Rústemova habarlady. Onyń aıtýynsha, elordada indet juqtyrǵandar sany birtindep azaıyp keledi, dep jazady Egemen.kz.
«8 jeltoqsan kúngi jaǵdaı boıynsha qalada ınfeksııalyq stasıonarda 359 adam emdelýde. Onyń ishinde 40 adam reanımasııada jatyr. О́kpeni jasandy jeldetý apparatymen 14 naýqas tynystaýda. Infeksııalyq stasıonarlarǵa emdeýge jatqyzylǵan pasıentterdiń sany ótken aılarmen salystyrǵanda az. Osylaısha, KVI-men aýyrǵandardyń sany 38%-ǵa, sondaı-aq stasıonarlyq emdeýdegi naýqastar sany 27% -ǵa tómendegeni baıqalady», dep atap ótti Álııa Rústemova.
Sonymen qatar medısınalyq jedel járdem qyzmetine túsip otyrǵan qońyraýlar men shaqyrýlar sany da 27%-ǵa azaıǵan.
«Jaqsy kórsetkishterge qaramastan, AMSK uıymdary koronavırýstyq ınfeksııasy bar pasıentterge úı jaǵdaıynda qyzmet kórsetýdi jalǵastyrýda. Mobıldi brıgadalar kúnine 1000-1200 shaqyrtýlarǵa shyǵady», dedi basqarma basshysynyń orynbasary.