Almaty qalasy Din isteri jónindegi basqarmasynyń qoldaýymen Ortalyq meshit mamandary «Adam jáne qoǵam» qoǵamdyq birlestigimen birlese otyryp, meshitterdiń 100-ge tarta dinı qyzmetkerine arnalǵan kýrs ótkizdi. Bes kýrstan turatyn sabaq barysynda tyńdaýshylarǵa bilikti teolog-sarapshylar dástúrli qundylyqtar jáne destrýktıvti dinı aǵymdardyń ustanýshylarmen júrgiziletin jumystyń negizgi ádisteri týraly aqparattar jetkizdi.
«Destrýktıvti dinı aǵymdardy ustanýshylardy deradıkalızasııalaý», «Zańnamalyq normatıvtik-quqyqtyq aktilerdiń ústemdigi», «Dástúr men dinderdiń úılesýi» taqyryptaryna arnalǵan úsh kúndik kýrs barysynda qatysýshylarǵa sertıfıkattar tapsyryldy.
Almaty qalasy Din isteri jónindegi basqarmasy basshysynyń orynbasary Erǵalı Kósheke osy oraıda ımamdardyń biliktiligin ata-babalarymyzdyń salt-dástúrimen ushtastyra otyryp kóterýdiń mańyzdy ekendigine toqtaldy. «Búginde teris aǵymdarmen kúreste memleket pen múftııat birlese jumys isteýi qajet. Jobanyń maqsaty – ǵalamtor, áleýmettik jeliler arqyly taraǵan keıbir aqparattarǵa ilesip, sonyń arbaýynda jat aǵymdarǵa ketip jatqan jastar arasynda tálimdi-taǵylymdy nasıhat júrgizý. Áleýmettik jelilerde dinge qyzyǵýshylyq bildiretin jastar kóp. Olarmen nasıhat jumystaryn kúsheıtý maqsatynda Ortalyq meshit mamandarymen kelise otyryp, bul aýdıtorııalarda jumys isteýdiń tártibi belgilendi», dep atap ótti E.Kósheke.
Almaty qalasynyń bas ımamy Tólebı Ospannyń aıtýynsha, Almaty ortalyq meshiti men Almaty qalasy Din isteri jónindegi basqarmasy «Adam jáne qoǵam» qoǵamdyq qory birlese otyryp, osy jyly meshit jamaǵattary arasynda sporttyq is-sharalar men jat aǵymmen kúreske baǵyttalǵan aqparattyq nasıhat jumystaryn júrgizgen.
«Adam jáne qoǵam» qoǵamdyq qorynyń jetekshisi Gúlim Nurǵalıevanyń aıtýynsha, is-sharalardy ótkizý kezinde Almaty qalasy meshitteriniń ımamdaryna 400-den asa dáris ótkizilip, oǵan 150 myńnan astam jamaǵat qamtyldy. Sonymen qatar jamaǵat úshin 50 «chat» qurylyp, osy «chattar» men toptarda aptasyna eki ret turaqty negizde destrýktıvti dinı ıdeologııanyń zardaby týraly nasıhat materıaldary taratyldy. Joba aıasynda Instagram, Facebook áleýmettik jelilerindegi jáne Youtube vıdeohostıngindegi QMDB Almaty fılıalynyń resmı paraqshalarynda turaqty túrde nasıhattyq mazmundaǵy materıaldar jarııalaý jalǵasyn taýyp keledi.
ALMATY