Qazaqstandyq Galına Vıshnevskaıa AQSh-tyń Presk Aıl qalasynda bıatlonnan 7,5 shaqyrymǵa júgirýden ótken jasóspirim qyzdar arasyndaǵy álem chempıonatynda kúmis medal jeńip aldy.
Sochıde bolyp ótken Qysqy Olımpııa oıyndaryna qatysqan Vıshnevskaıa márege bul joly birinshi oryn alǵan reseılik Evgenııa Pavlovadan bar-joǵy 0,3 sekýnd qana qalyp keldi. Chempıonatta odan basqa qazaqstandyqtar Anastasııa Kondrateva – 19, Aleksandra Sasına – 38, Valentına Saýlenko 44-orynǵa ornalasty. Jarysqa barlyǵy 47 bıatlonshy qatysqan bolatyn.
Jasóspirim jigitter arasynda dál osyndaı qashyqtyqqa júgirýde amerıkalyq Shon Doertı birinshi orynǵa kóterildi. Jalpy aıtqanda, qazaqstandyqtar arasyndaǵy úzdik Roman Eremın jeńimpazdan 38 sekýnd qalyp, kómbe syzyǵyn jetinshi bolyp qıyp ótken-di. Kelesi jerlesimiz Vladıslav Vıtenko – 10, Andreı Larıonov – 12, al Vladıslav Mıropolskıı 36-shy boldy.
Ámirhan ALMAǴANBETOV,
«Egemen Qazaqstan».