Almaty qalasynyń memlekettik bas sanıtar dárigeri Jandarbek Bekshın qaladaǵy epıdemıologııalyq jaǵdaıdy málimdedi, dep jazady Egemen.kz.
Qalanyń bas sanıtar dárigeriniń málimetinshe, Almatyda epıdemıologııalyq jaǵdaı turaqtalyp, qala «jasyl» aımaqta ornalasqan.
«Bul vaksına alýdyń nátıjesi. Oǵan qosa qalada shekteý sharalary engizildi, bul da vaksınasııaǵa úlken kómek berdi. Qala turǵyndarynyń 50 paıyzy vaksına aldy, bizdiń maqsatymyz ony 80%-ǵa deıin jetkizý. Qaladaǵy ujymdyq ımmýnıtet 57,3%», dedi Jandarbek Bekshın.
Bekshın sonymen qatar álemdi koronavırýstyń omıkron nusqasy alańdatyp otyrǵanyn, onyń potogendigi delta shtamymen salystyrǵanda 3 ese joǵary ekenin atap ótti.
«Ol AQSh, Eýropa jáne kórshi Reseıde anyqtaldy. Shekteý sharalarymen onyń elge kirýine tosqaýyl bola almaımyz, degenmen jappaı vaksına alý arqyly onyń taralýyn toqtata alamyz. Vaksınanyń eki komponentin alǵandar arasynda vırýsty juqtyrý tómen jáne ol jeńil ótedi», dedi ol.
Sondaı-aq ol omıkron shtamy anyqtalǵan elden kelgen jolaýshylar 7 kún úıde oqshaýlanatynyn jetkizdi.