Atyraý oblysy ákiminiń orynbasary Baqytgúl Hamenova men oblystyq mádenıet basqarmasynyń basshysy Aqylbek Rysqalıev 5 mıllıon teńge kóleminde para aldy degen kúdikpen ustaldy, dep habarlaıdy Egemen.kz.
Sheneýnikti Atyraýǵa Nur-Sultan qalasynan arnaıy barǵan QR Sybaılas jemqorlyqqa qarsy is-qımyl agenttiginiń qyzmetkerleri ustaǵan. Aldyn ala málimetter boıynsha, para tenderden «keri qaıtarý» boıynsha alynýy múmkin.
B.Hamenovaǵa qatysty QR QK 366-babynyń 2-bóligi («aıtarlyqtaı mólsherde para alý») boıynsha qylmystyq is qozǵaldy. Qazir sheneýnikten Atyraý oblysy boıynsha sybaılas jemqorlyqqa qarsy is-qımyl departamentiniń ǵımaratynda jaýap alynýda.