Erkin kúresten Nur-Sultanda ótken Qazaqstan chempıonatynda Jambyl oblysynyń komandasy eń úzdik nátıje kórsetti. Olar 2 altyn, 1 kúmis jáne 2 qola medaldy oljalady.
Qasıetti Áýlıe-Ata topyraǵynan kelgen balýandar arasynan asa jeńil salmaqtaǵy Rahat Qaljannyń asqan sheberligine tánti boldyq. Barlyq básekelesterin sypyra utqan ol sheshýshi tusta almatylyq Mereı Bazarbaevtan basym tústi. Sol sekildi bıyl ǵana alyptarmen aıqasýǵa bel býǵan Álisher Erǵalıdiń de ekpinine eshkim shydaı almady. Bıyl Tokıo Olımpıadasyna qatysqan qandasymyz aqtyq synda Shyǵys Qazaqstan oblysynyń ókili, Azııa chempıony Oleg Boltınmen aıqasýǵa tıis edi. Alaıda jaraqatyn jeleý etken qarsylasy boz kilemge shyǵýdan bas tartty.
Al ózge salmaq dárejelerinde taldyqorǵandyq Aqbar Qurbanov (61 kılo), nursultandyq Sanjar Dosjanov (65 kılo), atyraýlyq Syrbaz Talǵat (70 kılo), soltústikqazaqstandyq Nurqoja Qaıpanov (74 kılo), mańǵystaýlyq Jiger Zákirov (79 kılo), óskemendik Azamat Dáýletbekov (86 kılo), almatylyq Ádilet Daýlymbaev (92 kılo) jáne pavlodarlyq Mámed Ibragımov (97 kılo) syndy sańlaqtar el chempıony atandy.