Jyl basynan beri qazaqstandyqtarǵa múgedektik pen asyraýshysynan aıyrylý boıynsha 357 mlrd teńgeden astam járdemaqy tólendi, dep habarlaıdy Egemen.kz QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
2021 jyldyń qańtar-qarasha aılarynda respýblıkalyq bıýdjetten múgedektik boıynsha Memlekettik áleýmettik járdemaqy tóleýge 283,5 mlrd teńge, asyraýshysynan aırylý jaǵdaıyna 74 mlrd teńge jumsaldy.
2021 jyldyń qarasha aıynda respýblıkalyq bıýdjetten múgedektik boıynsha Memlekettik áleýmettik járdemaqy tóleýge 25,6 mlrd teńge, asyraýshysynan aırylý jaǵdaıyna 7,6 mlrd teńge baǵyttaldy.
2021 jylǵy 1 jeltoqsandaǵy jaǵdaı boıynsha múgedektik boıynsha Memlekettik áleýmettik járdemaqy alýshylardyń sany 520,8 myń adamdy, asyraýshysynan aırylý jaǵdaıy boıynsha 161,9 myń adamdy qurady.
Múgedektigi boıynsha jáne asyraýshysynan aırylý jaǵdaıy boıynsha Memlekettik áleýmettik járdemaqylardyń mólsheri múgedektik toby men sebebine, qaıtys bolǵan asyraýshysynyń asyraýyndaǵy adamdardyń sanyna, sondaı-aq tıisti qarjy jylyna arnalǵan «Respýblıkalyq bıýdjet týraly» zańda belgilenetin eń tómen kúnkóris deńgeıiniń shamasyna baılanysty bolady.
2021 jylǵy 1 jeltoqsanda múgedektigi boıynsha Memlekettik áleýmettik járdemaqylardyń ortasha mólsheri 49 198 teńgeni, asyraýshysynan aırylý jaǵdaıy boıynsha Memlekettik áleýmettik járdemaqylardyń ortasha mólsheri 46 050 teńgeni qurady.