T.Kovalevanyń kásibı qyzmetti júzege asyrý kezinde QR zańnamasy talaptarynyń, BAQ qyzmetiniń qaǵıdattarynyń óreskel jáne birneshe ret buzylýyna nazar aýdarý qajettiligi týraly 2021 jylǵy 5 qazandaǵy QR Áskerı sotynyń Jeke qaýlysyna qatysty, QR Aqparat jáne qoǵamdyq damý mınıstrligi tómendegini habarlaıdy, dep jazady Egemen.kz.
Mınıstrlik sotreport.kz ınternet-resýrsynda ornalastyrylǵan materıaldarda saıttyń qyzmetin toqtatý úshin negizder kórinbeıdi degen QR Áskerı sotynyń atyna jiberilgen Aqparat komıtetiniń hatynda belgilengen ustanymdy rastaıdy. Sonymen birge, Áskerı sottyń jeke qaýlysynda kórsetilgen buzýshylyqtar kóbinese jýrnalıstik etıkany saqtaý aspektilerine jatady. Mınıstrlik jýrnalıster óz laýazymdyq mindetterin júzege asyrǵan kezde olardyń quqyqtaryn turaqty negizde qorǵaıtyn bolady. Jýrnalıster sot prosesteriniń barysyn jarııalaýǵa quqyly. Sonymen qatar, barlyq buqaralyq aqparat quraldaryn materıaldardy taratý kezinde jýrnalıstik etıkany saqtaýǵa jáne obektıvti ári shynaıy bolýǵa shaqyramyz.