2021 jyldyń 17 jeltoqsanynda Wizz Air Abu Dhabi áýe kompanııasynyń Almaty – Abý-Dabı baǵyty boıynsha jańa halyqaralyq reısiniń ashylý saltanaty ótti, dep habarlaıdy Egemen.kz.
Ashylý saltanatyna Azamattyq avıasııa komıtetiniń tóraǵasy Talǵat Lastaev, sondaı-aq Qazaqstan Respýblıkasynyń Birikken Arab Ámirlikterindegi Tótenshe jáne О́kiletti Elshisi Madııar Meńilbekov, Wizz Air kompanııasynyń basqarýshy dırektory Abý-Dabı Kıs Van Shaık, Qazaqstandaǵy ýaqytsha senimdi ókil jáne t. b azamattar qatysty. Ushýlar áýe kompanııanyń saıtynda jarııalanǵan kestege sáıkes, sondaı-aq sanıtarlyq-epıdemıologııalyq talaptardy qatań saqtaı otyryp, dúısenbi jáne juma kúnderi A320/321NEO ushaqtarynda aptasyna 2 reıs jıiligimen oryndalady.Bir jaqty áýe bıleti tańdalǵan kúnge baılanysty bir baǵytqa 50 eýrodan bastalady.Qazirgi ýaqytta áýe kompanııasy 15 baǵyt boıynsha halyqaralyq reısterdi oryndaıdy: Reseı (Máskeý, Krasnodar), Ýkraına (Kıev, Odessa), Oman (Maskat), Bahreın (Manama), Egıpet (Sohag, Aleksandrııa), Izraıl (Tel-Avıv), Grekııa ( Afına), Grýzııa (Kýtaısı), Serbııa (Belgrad), Armenııa (Erevan), Ázirbaıjan (Baký), Albanııa (Tırana), Bosnııa jáne Gersegovına (Saraevo).Áýe kompanııasy óziniń marshrýttyq jelisin udaıy keńeıtip otyrady, bul qazaqstandyq jolaýshylarǵa jańa baǵyttarǵa qoljetimdi baǵamen jetýge múmkindik beredi.
Jańa áýe baǵyty Qazaqstan turǵyndary men qonaqtaryna Wizz Air Abu Dhabi usynatyn barlyq jeńildikter men qyzmetterdi paıdalanýǵa múmkindik beredi.