Elimizde koronavırýstan taǵy 4 adam qaıtys boldy, dep habarlaıdy Egemen.kz QR Densaýlyq saqtaý mınıstrligine silteme jasap.
Vedomstvo málimetine súıensek, 17 jeltoqsanda el óńirlerinde koronavırýs ınfeksııasynan 4 adam kóz jumdy. Jalpy pandemııa bastalǵaly vırýstan 12 912 adam qaıtys bolǵan. Barlyǵy tirkeldi – 982 915 jaǵdaı, jazylyp shyqqandar – 952 750 adam.
Sondaı-aq mınıstrlik aqparaty boıynsha, 17 jeltoqsanda koronavırýs belgileri bar pnevmonııanyń jańadan 13 deregi tirkeldi. Emdelip shyqty – 24 naýqas. Qaıtys bolǵandar joq. 2020 jyldyń 1 tamyzynan 2021 jyldyń 17 jeltoqsanyna deıin pnevmonııadan barlyǵy 5 195 adam kóz jumdy. Aýyrǵandar – 83 632, jazylyp shyqty – 75871 adam.