Pákistannyń ońtústik-batysynda bolǵan lańkestik árekettiń saldarynan bir adam qaza taýyp, taǵy on adam jaralandy, dep habarlaıdy Egemen.kz.
Lańkester Belohıstan provınsııasynyń Keto qalasyndaǵy bazarda jarylǵysh zatty iske qosqan.
«Jarylys saldarynan úsh áıel men jeti er adam zardap shekti», dep jazylǵan habarlamada.
Bomba bazarda turǵan motosıklge qoıylǵan. Tártip saqshylarynyń aıtýynsha, qýanyshqa oraı, aýa temperatýrasynyń qalyptan tys tómen bolýyna baılanysty bazar erterek jabylyp, zardap shekkender asa kóp bolmaǵan.
Ázirge shabýyldy eshqandaı top óz moınyna alǵan joq.