Atyraýdaǵy mektepterdiń birinde jaraqat alǵan oqýshy qyz aýrýhananyń jansaqtaý bóliminen hırýrgııalyq palataǵa aýystyryldy. Onyń jaǵdaıy ortasha aýyr dep baǵalanǵan, dep habarlaıdy Egemen.kz.
Oqıǵa Binom jeke mektebinde úzilis kezinde bolǵan. Aldyn ala málimet boıynsha, toǵyzynshy synyp oqýshysy segizinshi synypta oqıtyn qyzdy úshkir zatpen (pyshaq nemese qaıshy bolýy múmkin) keýde, qol jáne moıyn aımaǵynan jaraqattaǵan. Polısııa kúdiktini ustap, qylmystyq is qozǵalǵanǵanyn málimdedi.
Shabýyldyń sebebi ázirge belgisiz. Mektep dırektorynyń aıtýynsha, kúdikti buǵan deıin qylmystyq nemese psıhonevrologııalyq esepte bolmaǵan. Ol tek akademııalyq úlgerimi tómen oqýshylar tiziminde bolǵan.
Tarazda mektep oqýshysyn jeti qyz jabylyp soqqyǵa jyqqan
Binom Atyraý mektebiniń dırektory О́nerbek Erǵalıev tergeý áreketterine baılanysty tolyq pikir bildire almaıtynyn, sondaı-aq mektep ákimshiligi nemese ustazdardyń kámeletke tolmaǵan oqýshylardyń sómkelerin tekserýge quqy joq ekenin aıtqan.
Kúdiktiniń ata-anasy balany durys tárbıelemegeni úshin aıyppul tólegen. Osy oqıǵadan keıin Binom mektepterinde qaýipsizdik sharalary kúsheıtilgen.