17-18 naýryz kúnderi Naýryznama onkúndigi aıasynda elimizdiń barlyq óńirlerinde jasandy ıntellektiniń múmkindikterin kórsetýge arnalǵan ashyq oqytý is-sharalary uıymdastyrylady. Bul bastama «Digital Nauryz» merekesine jáne Sıfrlandyrý men jasandy ıntellekt jylyna oraı ótkiziledi, dep jazady Egemen.kz.
Is-sharalar qalalyq alańdarda, saýda-oıyn-saýyq ortalyqtarynda, IT-habtarda jáne kreatıvti keńistikterde ótedi. Mundaı format jasandy ıntellekt taqyrybyn keń aýdıtorııaǵa túsinikti jáne qoljetimdi etýge, sondaı-aq óńir turǵyndaryn zamanaýı sıfrlyq quraldarmen tanystyrýǵa múmkindik beredi.
Kezdesýler barysynda qatysýshylarǵa jasandy ıntellektini kúndelikti ómirde, jumysta, oqýda, kontent jasaýda jáne memlekettik qyzmetterdi alýda qalaı qoldanýǵa bolatyny kórsetiledi. Birqatar óńirde AlemGPT platformasynyń, ıaǵnı Jasandy ıntellektiniń ulttyq platformasynyń múmkindikteri tanystyrylady.
Digital Qazaqstan: Tehnologııalyq derbestik pen sıfrlyq órleý joly
О́ńirlerde ashyq oqytý is-sharalaryn ótkizý halyqtyń sıfrlyq saýattylyǵyn arttyrýǵa jáne Qazaqstanda jasandy ıntellektini paıdalaný mádenıetin keńinen damytýǵa baǵyttalǵan mańyzdy qadamdardyń biri bolyp sanalady.
Digital Bridge – 2025: Adamzat damýynyń endigi baǵdary JI-ge tikeleı baılanysty
Is-sharalar 17-18 naýryzda elimizdiń ár óńirinde ótedi. Mysaly, Astanada «Han Shatyr» SOO-da AlemGPT, Ulttyq jasandy ıntellekt platformasy tanystyrylsa, Shymkentte Arbat alańynda kúndelikti ómirde JI qoldaný taqyrybynda kezdesýler uıymdastyrylady. Ár óńirde taqyryp pen format sáıkes óńirlik qajettilikterge beıimdelgen.