Qazaq qaıta óńdeý jáne taǵam ónerkásibi ǵylymı-zertteý ınstıtýtynyń ǵalymdary otandyq ósimdik shıkizaty negizinde fýnksıonaldyq maqsattaǵy bıologııalyq belsendi qospalardy óndirýdiń ınnovasııalyq tehnologııasyn ázirlep jatyr, dep jazady Egemen.kz.
Joba joǵary antıoksıdanttyq belsendiligi bar, onkologııalyq jáne júrek-qan tamyry aýrýlarynyń aldyn alýǵa yqpal etetin qoljetimdi ári tıimdi ónimder jasaýǵa baǵyttalǵan.
Dárigerler JI kómegimen ınsýlt pen onkologııalyq aýrýlardy erte anyqtap jatyr
«Bıologııalyq belsendi qospanyń (BBQ) negizgi quramdas bóligi – aıqyn profılaktıkalyq qasıetterge ıe tabıǵı antıoksıdant lıkopın. Onyń taǵam rasıonynda jetkiliksiz bolýy ımmýnıtettiń tómendeýine jáne sozylmaly aýrýlar qaýpiniń artýyna áser etýi múmkin. Joba aıasynda paıdaly zattardy barynsha saqtaı otyryp, qyzanaq pen qarbyzdan untaq alý tehnologııasy ázirlendi. Qaıta óńdeýde lıofıldi jáne ınfraqyzyl keptirýdi qoldaný shıkizattyń túsin, hosh ıisin jáne bıologııalyq qundylyǵyn saqtaýǵa múmkindik beredi», delingen aýyl sharýashylyǵy mınıstrligi taratqan habaralamada.
Aqtaýda alǵash ret onkologııalyq aýrýlardy erte dıagnostıkalaý ortalyǵy ashyldy
Alynǵan komponentter negizinde aǵzanyń belsendi zattarǵa táýliktik qajettiligin qamtamasyz etetin BBQ-nyń ońtaıly quramy ázirlengen. Onyń quramyna lıkopın, qyzanaq untaǵy, qarbyz untaǵy, asqabaq dániniń untaǵy jáne maqsary maıy kiredi. Mundaı úılesim joǵary bıojetimdilikti, aıqyn antıoksıdanttyq áserdi jáne jaqsy organoleptıkalyq qasıetterdi qamtamasyz etip, ónimdi turaqty qoldanýǵa yńǵaıly etedi.