Esil aýdandyq krımınaldyq polısııa basqarmasynyń qyzmetkerleri jedel-izdestirý is-sharalarynyń barysynda 27 jastaǵy er adamdy ustady, dep habarlaıdy Egemen.kz.
Onyń buryn qylmystyq jaýapkershilikke tartylǵany anyqtaldy.
Tergeý barysynda kúdiktiniń ınkassator bolyp jumys istep, termınaldan aqsha jınaǵany belgili boldy. Jumystan shyqqan ol avtomattardyń biriniń kiltin bermeı ketken. Keshki ýaqytta ol Magnum sýpermarketine kelgen.
Termınalǵa jaqyndap, qurylǵyny kiltpen ashyp, 3 800 000 teńge aqsha alǵan. Sosyn baıqatpaı aqshany sómkege salyp, belgisiz jaqqa ketip qalǵan.
Urlyq boıynsha qylmystyq is qozǵalyp, tergeý amaldary júrgizilýde.