Memleket basshysy Nur-Sultan qalasynyń ákimi Altaı Kólginovty qabyldady, dep habarlaıdy Egemen.kz Aqordanyń resmı saıtyna silteme jasap.
Prezıdentke 11 aı ishindegi elordanyń áleýmettik-ekonomıkalyq jáne ınfraqurylymdyq damýy týraly aqparat berildi.
Sonymen qatar Altaı Kólginov elordada epıdemıologııalyq ahýaldy turaqtandyrý úshin júzege asyrylyp jatqan sharalar men halyqqa vaksına salý jumystarynyń barysy týraly baıandady.
Qasym-Jomart Toqaev elorda ákimine jylýmen qamtý, ınfraqurylym, ınjenerlik jeliler, áleýmettik turǵyn úıler men nysandardyń qurylysy sııaqty salalar boıynsha qordalanǵan máselelerdi sheshýge qatysty, sondaı-aq shaǵyn jáne orta bıznesti damytý, jańa jumys oryndaryn ashý úshin qolaıly jaǵdaı jasaý jóninde birqatar tapsyrma berdi.