2021 jylǵy 30 qarashada Nur-Sultan qalasynda Bilim jáne ǵylym mınıstrligi Til saıasaty komıteti uıymdastyrǵan «Saýatty jarnama - til abyroıy» atty respýblıkalyq baıqaýdyń jeńimpazdary marapattaldy, dep habarlaıdy Egemen.kz.
Atalǵan baıqaýǵa elimizdiń óńirlerinen kásipkerlik sýbektileri, kishi jáne shaǵyn bıznes ókilderi jáne jeke azamattar qatysty.
Baıqaýdyń maqsaty: qoǵamda jıi kóterilip júrgen syrtqy jarnamalar men mańdaıshalardaǵy, basqa da kórneki aqparattardaǵy qazaq tiliniń saýatty jazylýy jáne mátinderdiń maǵynalyq aýdarmasyn, memlekettik tildiń keń aýqymdy qoldanysyn qamtamasyz etý, saýatty resimdelýi, «Qazaqstan Respýblıkasyndaǵy til týraly» Qazaqstan Respýblıkasy Zańy talaptarynyń oryndalýyn qadaǵalaýǵa atsalysyp júrgen azamattarǵa qoldaý kórsetý.
Kórneki aqparat salasyndaǵy máselelerge qoǵam nazaryn aýdarý. Osy saladaǵy kemshilikterdi túzetýge, mańdaıshalardaǵy orfografııalyq jáne stılıstıkalyq, pýnktýasııalyq qatelerge jol bermeýdi, aýdarma jasaıtyn mamandardy anyqtap yntalandyrý jáne respýblıka aýmaǵynda til týraly zańnyń oryndalýyna atsalysyp júrgen azamattarǵa qoldaý kórsetý.
Baıqaý eki týr boıynsha oblystyq jáne respýblıkalyq deńgeıde ótkizildi.
Baıqaý nátıjesi boıynsha qatysýshylar dıplom, alǵys hat jáne aqshalaı syılyqtarmen marapattaldy.