Almaty qalasy Nazarbaev dańǵylyndaǵy tarıhı ǵımarattyń qaptamasy men jaryqtandyrýy jańartylýda. Bul qurylys V.I.Lenın mýzeıi kesheni retinde keńestik jyldary ázirlengen bolatyn. 1986 jyly obektiniń qurylys jumysy toqtatyldy, obektiniń daıyndyǵy sol kezde 90%-dy quraǵan.
Jeti jyldan keıin 1993 jyly qurylys jańartyldy, biraq ǵımarattyń jobasy ózgertilip, Qazaqstan Prezıdentiniń rezıdensııasy retinde salý jalǵastyryldy. Qurylystyń aıaqtalǵan kúni 1995 jyl dep belgilengen.
Jobanyń avtorlary: Qaldybaı Montahaev, Sultan Baımaǵambetov, Qumarbek Nurmanbetov, O.Saı, qurylysshy – Talǵat Alpysbaev.
Astanaǵa kóshkennen keıin ǵımarat rezıdensııa mártebesin saqtap qaldy, 2000 jyly rezıdensııa kesheni Qazaqstannyń respýblıkalyq mańyzy bar tarıhı jáne mádenı eskertkishter tizilimine engizilgen bolatyn. Ǵımarat memlekettik kúzetiletin obektige jatady.
Qasbetti qaıta jóndeý obektiniń syrtqy kórinisin ózgertpeıdi: jumystar qatań túrde tarıhı nusqadaǵy parametrlerge sáıkes júrgiziletin bolady.
Qazaqstan Respýblıkasy Prezıdenti
Is Basqarmasynyń baspasóz qyzmeti