Eýropalyq dári-dármek agenttigi (EMA) Novavax amerıkalyq farmasevtıkalyq konserni shyǵarǵan vaksınany EO-da qoldanýdy maquldady, dep habarlaıdy Egemen.kz.
Bul týraly EMA saıty jazady.
Saıttyń málimetinshe, koronavırýsqa qarsy Nuvaxovid dep atalatyn vaksına 18 jastan asqan eresekterge usynylady. Osy vaksınany synaý derekterin muqııat baǵalaýdan keıin sarapshylar preparat senimdi jáne tıimdi, qaýipsiz jáne sapa boıynsha qajet talaptarǵa saı keledi degen qorytyndyǵa kelipti.
Eýrokomıssııa paıdalanýǵa jibergennen keıin preparat EO-da koronavırýsqa qarsy qoldanylatyn besinshi vaksına jáne aqýyz negizindegi birinshi vaksına bolady.
30 myńǵa jýyq naýqas qatysqan zertteýdiń úshinshi kezeńinde ol bastapqy SARS-CoV-2 vırýsyna qatysty 90 paıyz jalpy tıimdilikti kórsetti, alaıda onyń mýtasııalarǵa qarsy tıimdiligi týraly aıtylmaıdy. Bul vaksınanyń jańa «omıkron» shtamyna qarsy tıimdiligi týraly málimetter áli de az.
EO Nuvaxovid ekpesiniń 200 mıllıon dozasyn satyp alýǵa nıetti. Jetkizý 2022 jyldyń qańtarynda bastalady dep josparlanyp otyr