Dástúr boıynsha rásim QBTÝ ǵımaratynyń janyndaǵy «Astana» alańynda ótti, dep habarlaıdy Egemen.kz.
Jańa jyldyń basty sımvolynyń bıiktigi – 22 metr.
Almatynyń bas shyrshasyn jaǵý rásimine megapolıs ákiminiń orynbasary Erjan Babaqumarov qatysty.
«Estrada juldyzdary qatysqan bul shara qala boıynsha jańa jyldyq is-sharalardy bastaýǵa múmkindik berdi. Megapolıstiń barlyq segiz aýdanynda 100-den astam fotoaımaq ornatylǵan, onyń ishinde shyrshalar, shaǵyn sáýlet nysandary jáne jańa jyldyq bezendirýdiń basqa da elementteri bar», delingen Almaty qalasy ákimdiginiń baspasóz qyzmetinde.
Sondaı-aq, 21-30 jeltoqsan aralyǵynda qala ákimdiginiń qoldaýymen «Jańa jyldyq kerýen» uıymdastyryldy. Qala qonaqtary men turǵyndaryn júk kólikteriniń kerýeni kútedi: dekorasııalar, myńdaǵan jaryqtandyrý, jaryq shoýlary, jarqyn fotoaımaqtar jáne úlken syılyqtar jármeńkesi. 30 myń metrden astam jaryq gırlıandalary, shamdar men qyzyqty dızaın eshkimdi beı-jaı qaldyrmaıdy. Júk kólikteriniń qozǵalysy áleýmettik jelilerde jarııalanady.