2021 jyldyń basynan beri koronavırýstan 3,3 mln-nan astam adam qaıtys boldy, bul 2020 jylǵy AITV, bezgek jáne týberkýlez aýrýlarynan qaıtys bolǵandardyń jalpy kórsetkishinen asady, dep habarlaıdy Egemen.kz.
Afrıka qazir koronavırýs ınfeksııasynyń besinshi tolqynymen kúresip jatyr, al oǵan omıkron nusqasy sebep bolyp otyr. Bul týraly Jenevada ótken brıfıngte Dúnıejúzilik densaýlyq saqtaý uıymynyń (DDSU) bas dırektory Tedros Adan Gebreııýs málimdedi.
«Qazir omıkron delta nusqasyna qaraǵanda tezirek taralatyny jáne COVID-19-ǵa qarsy vaksınasııalanǵan nemese emdelgen adamdardyń qaıta juqtyrýy múmkin ekeni týraly dáıekti dálelder bar», dep atap ótti Gebreııýs.
«Bıyl COVID-19-dan 3,3 mıllıonnan astam adam qaıtys boldy. Bul AITV, bezgek jáne týberkýlezden 2020 jyly tirkelgen ólim-jitimnen de kóp. COVID-19-dan qazir apta saıyn 50 myńǵa jýyq adam kóz jumady», dedi DDSU basshysy.
DDSU málimetine sáıkes 17 jeltoqsandaǵy jaǵdaı boıynsha álemde koronavırýstyq ınfeksııanyń 271 963 258 rastalǵan jaǵdaıy tirkelse, 5 331 019 adam qaıtys boldy.