Amerıkada koronavırýstyq ınfeksııanyń omıkron shtamynan qaıtys bolǵan alǵashqy jaǵdaı tirkeldi, dep habarlaıdy Egemen.kz ABC-ke silteme jasap.
Bul týraly Tehas shtatynyń densaýlyq saqtaý júıesi aqparat taratty. «Harrıs okrýginiń densaýlyq saqtaý qyzmetkerleri qaıtys bolǵan naýqastyń vaksına almaǵanyn jáne densaýlyǵyna baılanysty kúrdeli problemalary bolǵanyn atap ótti. Baqılyq bolǵan er adamnyń jasy endi ǵana elýden asqan eken», delingen habarlamada.