Bul týraly Ekologııa, geologııa jáne tabıǵı resýrstar mınıstri Serikqalı Brekeshev málim etti, dep jazady Egemen.kz.
Ekologııa mınıstrligi balyq sharýashylyǵyn damytýdyń 10 jylǵa arnalǵan baǵdarlamasy bekitilip, onda balyq ósirýge basa nazar aýdarylatyn atap ótti.
«Investısııa kólemi 182,4 mlrd teńgege jýyq, jylyna 129 myń tonna balyq ósirý josparlanǵan jáne 5,3 myń jumys ornyn qurýmen 32 jobany iske asyrý boıynsha jumystar júrgizilýde», dedi mınıstr.
Onyń atap ótýinshe, 2021 jyly jumys istep turǵan balyq ósirý sharýashylyqtary esebinen 12,8 myń tonna balyq ósirý kútilýde, bul ótken jylǵa qaraǵanda 30%-ǵa joǵary kórsetkish.
«Balyq ónimderi eksportynyń deńgeıi ósýde. Respýblıkada balyq ósirý sharýashylyqtary men balyq óńdeý kásiporyndaryn qurý úshin qolaıly jaǵdaılar jasaýǵa baǵyttalǵan birqatar zańnamalyq bastamalar qabyldandy. Bıznes pen balyq sharýashylyǵy sýbektileri tarapynan qabyldanyp jatqan sharalardyń arqasynda balyq ósirý jáne balyq óńdeý jónindegi jobalardy iske asyrýǵa múddelilik artyp keledi. Balyq ósirýdiń kútiletin ósimi balyq ósirý sharýashylyqtary men balyq óńdeý kásiporyndaryn qurýǵa jańa serpin beredi», dedi Serikqalı Brekeshev.