2022 jyly Qytaıdyń bas shahary – Beıjińde alaýy tutanatyn Qysqy Olımpııa oıyndaryna Qazaqstan quramasy 60 lısenzııa jeńip aldy.
Sport jáne dene shynyqtyrý isteri komıtetiniń habarlaýynsha, qazaqstandyq sportshylar sporttyń jeti túrinen joldamany qorjynǵa salǵan. Atap aıtqanda, búginge deıin jerlesterimiz shańǵy jarysy, tramplınnen shańǵymen sekirý, shańǵy qossaıysy, frıstaıl (mogýl, akrobatıka), taý shańǵysy, short-trek jáne konkımen júgirý sekildi sport túrlerinen joldama alyp úlgergen.
«Olımpıadaǵa irikteý jarystary 2022 jylǵy qańtardyń ortasynda máresine jetedi. Ulttyq quramalarǵa kvota men lısenzııany bólý 2022 jyldyń 16 qańtarynda aıaqtalady», delingen vedomstvo habarlamasynda. Beıjińdegi Qysqy Olımpıada 4-20 aqpan aralyǵynda ótedi. 2018 jyly Ońtústik Koreıanyń Phenchhan qalasynda uıymdastyrylǵan Olımpıadada Qazaqstan 57 joldama jeńip alǵan bolatyn.