Qazaqstannyń densaýlyq saqtaý mınıstri mindetin atqarýshy Jandos Búrkitbaev óziniń atalǵan qyzmetke taǵaıyndalýyna qatysty pikir bildirdi, dep jazady Egemen.kz.
«Memlekettik qyzmette jumys isteý - árqashan jaýapty bolý. Bul eń aldymen ózińe, áriptesterimizge, halqymyzǵa degen úlken jaýapkershilik. Densaýlyq saqtaý mınıstrliginiń negizgi róli - Qazaqstan azamattarynyń densaýlyǵyn qorǵaý. Taǵaıyndaý eshteńeni bildirmeıdi, óz mindetimdi atqara beremin», dedi Búrkitbaev Úkimet otyrysynan keıin.
Jandos Búrkitbaev Soıdyń ketýine qatysty memlekettik organdardyń birinshi basshysyn taǵaıyndaý, jumystan bosatý týraly sheshimdi joǵary basshylyq qabyldaıtynyn aıtty.
«Tıisinshe, buǵan pikir bildirýim orynsyz. Memlekettik saıası qyzmetker retinde men tapsyrmalardy oryndaımyn, ókilettikter aıasynda mindetterdi oryndaımyn. Jumys josparly, júıeli júrgizilip jatyr. Sol jospar boıynsha júıeli máselelermen aınalysyp jatyrmyz», dep túıindedi ol.