Búgin Atyraý oblystyq soty atalǵan oblys ákiminiń orynbasary Baqytgúl Hamenovany eki aıǵa qamaýǵa alýǵa sanksııa berdi. Endi ol sotqa deıin 2 aı tergeý ızolıatorynda bolady, dep habarlaıdy Egemen.kz.
Atyraý oblysynyń prokýratýrasy tergeý sotynyń sheshimine qatysty oblystyq sotqa shaǵym túsirip, sot shaǵymdy qanaǵattandyrdy.
Baqytgúl Hamenova úı qamaǵynan shyǵarylyp, tergeý ızolıatoryna jetkizildi.
Eske sala keteıik, 12 jeltoqsanda Atyraý qalasynyń mamandandyrylǵan tergeý soty B.Hamenovaǵa qatysty úıqamaqqa alý týraly sanksııa bergen bolatyn. Qylmystyq is Qazaqstan Respýblıkasy Qylmystyq kodeksiniń 366-baby (Asa iri mólsherde para alý) 2-bóligi boıynsha tergelýde.