Qazaqstan Respýblıkasy Prezıdentiniń Teleradıokesheni bıylǵy jyldy qaı jaǵynan bolmasyn tabysty aıaqtady. Bul týraly óziniń Facebook paraqshasynda QR Prezıdentiniń baspasóz hatshysy Berik Ýálı jazdy, dep habarlaıdy Egemen.kz.
«Bul jetistikterdiń basynda teleradıokeshenniń bilikti basshysy Raýshan Qajybaeva hanym tur. Kileń kásibı deńgeıi joǵary óz isiniń maıtalman mamandardy jınalǵan ujymnyń jumysyna aldaǵy ýaqytta da sáttilik tileımin!», dedi Berik Ýálı.
Prezıdentiniń Teleradıokesheni 2021 jyly áleýmettik jelilerinde 464 beınerolık jarııalady. Olardyń ishinde:
- Memleket basshysynyń qyzmeti týraly 290 beınerolık;
- QR Prezıdentiniń Instagram-daǵy akkaýntynda 18 beınerolık jaryqqa shyqty;
- Memleket basshysynyń qyzmetiniń qorytyndysy boıynsha jyl basynan beri apta saıynǵy 104 beınerolık daıyndaldy;
- Prezıdenttiń memlekettik/ resmı/ jumys saparlarynan 39 beınesholý.
Memleket basshysynyń aımaqtarǵa jáne shetelderge jasaǵan saparlary, tapsyrmalary men Qazaqstan halqyna arnalǵan Joldaý aıasynda 40-tan astam derekti jáne qysqametrajdy fılm túsirildi.