«Barys» Qurlyqtyq hokkeı lıgasyndaǵy kezekti matchynda Chelıabi qalasynda kósh basyndaǵy komandalardyń biri «Traktormen» kúsh synasty, dep habarlaıdy Egemen.kz.
Aıdyn ıeleri Shyǵys konferensııasynda 61 upaımen ekinshi orynda tursa, 40 upaıy bar «Barys» segizinshi satyda keledi.
Birinshi kezeńde «Traktor» sapynan 9-mınýtta Nıkıta Tertyshnyı esep ashty. Arada mınýt óter-ótpeste «Barystyń» eki birdeı oıynshysy aıdynnan qýylǵanyn komanda kapıtany Lýkash Sedlak múlt jibermedi – 2:0. Ekinshi taımda 35-mınýtta L.Sedlak esepti 3:0-ge jetkizdi.
Úsh mınýttan keıin «Barys» sapyndaǵy shvesııalyq legıoner Iаkýb Berglýnd mergendik tanytty. Úshinshi kezeń bastalysymen Anton Sagadev esepti 2:3-ke deıin qysqartyp, «Barysqa» úmit syılady. Alaıda match sońynda Teemý Pýlkkınenge qonaqtardyń bos qalǵan qaqpasyn kózdeý qıyndyqqa túsken joq – 4:2.
Iýrıı Mıhaılıstiń shákirtteri kelesi kezdesýin 27 jeltoqsan kúni elordada negizgi qarsylastarynyń biri, Shyǵys konferensııasynda 9-oryndaǵy «Avtomobılıst» (Ekaterınbýrg) komandasymen ótkizedi.