Qazgıdromet 26 jeltoqsanda bolatyn erekshe meteorologııalyq qubylystarǵa boljaý konsýltasııasyn jarııalady, dep habarlaıdy Egemen.kz.
Bul kúni atmosferalyq aǵyndardyń ótýine baılanysty QR-nyń basym bóliginde qar jaýady. Elimizdiń batysynda, ońtústik bóliginde jaýyn-shashyn bolady, tańerteń jáne kúndiz taýly aýdandarynda jańbyr men qar jaýady, tuman bolady. Eldiń ońtústiginde, batysynda kóktaıǵaq, soltústik bóliginde jaıaý burqasyn soǵady, batysynda, ońtústik-shyǵysynda jeldiń kúsheıýi kútiledi.
Aqmola oblysynyń ońtústik-shyǵysynda jaıaý burqasyn kútiledi. Almaty oblysynyń ońtústiginde túnde jáne tańerteń tuman bolady, Alakól aýdanynda jel 17-22 m/s kúsheıedi.
Túrkistan oblysynyń ońtústiginde, batysynda jáne taýly aýdandarynda tuman, kóktaıǵaq kútiledi, taýly aýdandarynda jel 15-20 m/s kúsheıedi. Batys Qazaqstan oblysynyń ońtústik-batysynda tuman, kóktaıǵaq, oblystyń soltústiginde jaıaý burqasyn, jeldiń kúsheıýi 15-20, oblystyń soltústiginde, shyǵysynda ekpini 23-28 m/s kútiledi.
Atyraý oblysynyń soltústik-batysta tuman, kóktaıǵaq, oblystyń basym bóliginde jel 15-20 m/s kútiledi. Mańǵystaý oblysynyń batysynda, soltústiginde jeldiń kúsheıýi 15-20 m/s kútiledi. Kúndiz Aqtóbe oblysynyń soltústik-batysynda jaıaý burqasyn, jeldiń kúsheıýi 15-20 m/s kútiledi.
Qostanaı oblysynyń soltústiginde, Soltústik Qazaqstan oblysynyń ońtústik-batysynda, Pavlodar oblysynyń shyǵysynda, Qaraǵandy oblysynyń shyǵysy men ońtústiginde tuman kútiledi.
Shyǵys Qazaqstan oblysynyń ońtústiginde, batysynda jeldiń kúsheıýi 15-20 m/s, túnde oblystyń soltústiginde, ortalyǵynda tuman kútiledi. Jambyl oblysynyń soltústiginde, taýly aýdandarynda kóktaıǵaq, tuman, taýly aýdandarynda jeldiń kúsheıýi 15-20 m/s kútiledi.
Qyzylorda oblysynyń ońtústiginde túnde kóktaıǵaq kútiledi.