Qostanaıda besinshi synyp oqýshysy janyp jatqan saıajaı úıinen tórt balany qutqaryp qaldy, dep habarlaıdy Egemen.kz.
О́rt 25 jeltoqsanda tústen keıin Qostanaıdaǵy «Sadovod» saıajaı úıleriniń birinen shyqqan. Ol ýaqytta 5-synyp oqýshysy Oleg Pırog dalada oınap júrgen, keıin qalyń tútindi baıqap, kórshileriniń úıi janyp jatqanyn kórgen.
«Úıdiń tóbesi otqa oranǵan eken. Qorshaýda tesik bolǵan, sodan ótip, balalar qaǵyp jatqan terezeni ıterdim. Kúrteshemdi sheship, qarǵa qoıdym, sóıtip terezeden bir-birden alyp shyǵa bastady, óıtkeni esik janyp jatty. Bir balanyń ústinde kıim joq eken, oǵan shalbar taýyp berdim. Tórtinshi balany qutqarýǵa kirmek bolǵanymda, bir er adam kelip, ózi kiristi. Adrenalınniń kúshimen qorqynysh bolmady», deıdi mektep oqýshysy.
Mektep oqýshysynyń aıtýynsha, ol er adammen birge kóshede qatyp qalǵan gaz ballonyn alys qoıǵan. Keıin órtsóndirýshiler men ata-anasy kelgen. Balalar aman-saý, barlyǵynyń jasy ekiden segizge deıin
Oleg Pırog Qostanaı qalasyndaǵy №22 mektepte oqıdy, odan basqa otbasynda taǵy bes aǵa-ápkesi bar.
«Oqıǵa ornynda tórt tehnıka, órt sóndirý qyzmeti jeke quramynan 17 adam jáne qalanyń basqa da shuǵyl qyzmetteri jumys istedi. О́rtsóndirýshiler janyp jatqan úıden eki gaz ballonyn alyp shyqty. Qutqarýshylar órtti saǵat 12.07-de oqshaýlap, kórshi saıajaı ýchaskelerine taralý qaýpin joıdy. Saǵat 12.28-de órt sóndirildi», dep habarlady Qostanaı oblysy TJ Departamentiniń baspasóz qyzmeti ókili.
О́rttiń aldyn ala sebebi - peshti durys paıdalanbaý.