Shymkentte josyqsyz kásipkerlerge jalǵan shot-faktýralar jazyp bergen azamattyń zańsyz áreketi áshkere boldy. Ol memleketke 1 mlrd teńgeden astam mólsherde zalal keltirdi. Bul týraly Qarjylyq monıtorıng agenttigi málimdedi, dep habarlaıdy Egemen.kz.
Shymkent qalasy boıynsha aýmaqtyq departament salyq tóleýden jaltarý maqsatynda kásipkerlerge jalǵan shot-faktýralar jazyp bergen A.Mahataevtyń zańsyz áreketiniń jolyn kesti.
«Tergeý málimetteri boıynsha, A.Mahataev 2017-2020 jyldar aralyǵynda óziniń týystary men tanystarynyń atyna 14 kásiporyn («Meıir qurylys», «Tynyshtyq 2018», «Elıt Kapıtel», «MAGMA-2018», «Ashımov ı Ko», «A L A T A U K», «S-Industry», «BES QASQA», «JORǴA 2019», «INTERTRANSSERVIS-2020», «Ehcellent», «ÝGAM 2018», «005», «Everest K» JShS) tirkegen. Atalǵan kásiporyndar kontragentterge tólemderdi tóleýden jaltarýǵa járdemdesý úshin jáne kásipkerlik qyzmetti júzege asyrý maqsatynsyz qurylǵan. Bul fırmalardyń keńseleri, qyzmetkerler shtaty, óndiristik-tehnıkalyq bazasy jáne qoımalyq úı-jaılary bolmaǵan. Zańsyz áreketterdiń nátıjesinde memleketke 1 mlrd. teńgeden astam mólsherde zalal keltirildi», delingen habarlamada.
Osylaısha A.Mahataev 4 jylǵa bas bostandyǵynan jáne 10 jylǵa kásipkerlik qyzmetpen aınalysý quqyǵynan aıyryldy. Keltirilgen zalal somasy memleket kirisine aınaldyryldy.