Jańa jyldyq is-sharany merekeleý kezeńinde respýblıkada pırotehnıkalyq buıymdardy paıdalanýda órt qaýipsizdigi qaǵıdalaryn buzý saldarynan jyl saıyn orta eseppen onshaqty órt oqıǵasy bolady (2018 j. – 4, 2019 j. – 8, 2020 j. – 15).
2020 jyly 15 órt oqıǵasy tirkeldi. О́rt petardanyń mansard úı-jaıyna túsýi, pırotehnıkalyq buıymdardy paıdalaný qaǵıdalaryn buzý, pırotehnıkany abaısyz paıdalaný saldarynan bolǵan. Jyl saıyn Jańa jyl qarsańynda elimizde polısııa departamentterimen birlesip ruqsat etilmegen pırotehnıkalyq buıymdardy satý oryndaryna reıd júrgiziledi. Onyń barysynda kásipkerlerge pırotehnıkalyq buıymdardy saqtaý jáne satý oryndaryna qoıylatyn órt qaýipsizdik talaptary túsindiriledi.
О́rttiń shyǵýyna, adamdardyń jaraqattanýyna jol bermeý maqsatynda TJM pırotehnıkalyq buıymdardy paıdalaný kezinde órt qaýipsizdik qaǵıdalaryn saqtaýǵa keńes beredi. Merekelik is-sharalardy uıymdastyrý kezinde:
- terezelerinde tory joq keminde eki evakýasııalyq shyǵý jolymen qamtamasyz etilgen úı-jaılardy paıdalaný;
- ıllıýmınasııany elektr qondyrǵylarynyń tehnıkalyq normalaryn saqtaı otyryp oryndaý kerek. Illıýmınasııada aqaý tabylǵan jaǵdaıda (symdardyń qyzýy, shamdardyń jypylyqtaýy, ushqyn) ony dereý toktan ajyratý kerek;
- sahnada jáne zal bólmelerinde órt qaýipsizdigine jaýapty tulǵalardyń kezekshiligin uıymdastyrý;
- úı-jaılardy alǵashqy órt sóndirý quraldarymen qamtamasyz etý qajet.
Pırotehnıkalyq buıymdardy paıdalaný kezinde:
- olardy terezelerden, balkondardan jáne úılerdiń janyna jibermeńiz, sebebi ol janyp jatqan juldyzdardyń balkondarǵa jáne turǵyn úı-jaılarǵa túsýine, balkondarda qaldyrylǵan múliktiń nemese tez tutanatyn zattardyń janýyna alyp kelýi múmkin;
- buıymdy paıdalaný nusqaýlaryna sáıkes aldyn ala ornalastyrý jáne senimdi bekitý qajet;
- buıymdy órteý kezinde ony qolda ustaýǵa bolmaıdy. Bilteni qol sozym qashyqtyqtan jaǵý kerek. Jumys aıaqtalǵannan keıin buıymǵa keminde 5 mınýt jaqyndaýǵa bolmaıdy.
- kúshti jáne uıytqyma jel kezinde otshashýdan múldem bas tartqan jón.
QR TJM baspasóz qyzmeti