Kókshetaý qalasyndaǵy turǵyn úılerdiń birinen órt shyqty. 4 otbasyǵa arnalǵan barak úıdegi páterlerdiń birin jalyn sharpyǵan, dep habarlaıdy Egemen.kz.
Qutqarýshylar órtengen páterdiń ishinen tútinge ýlanǵan es-tússiz er adamdy taýyp alǵan. О́rt sóndirýshiler dereý reanımasııalyq áreketter jasap, er adamdy jedel járdem qyzmetkerlerine tapsyrdy.
«О́rt 10:35-te aýyzdyqtalyp, 10-55-te tolyǵymen sóndirildi. Sóndirýge TJD-nyń 23 qyzmetkeri men 4 tehnıka shyqty. О́rttiń aldyn ala sebebi – elektr symdarynyń qysqa tuıyqtalýy.
Aqmola TJD oblys turǵyndary men qonaqtaryna órt qaýipsizdigi erejelerin saqtaýdy eskertedi. О́rtti sóndirgennen góri aldyn alý ońaı ekenin umytpańyz! О́rt shyqqan jaǵdaıda dereý qutqarý qyzmetiniń 101 nemese 112 telefondaryna qońyraý shalyńyz», delingen vedomstvo habarlamasynda.