Temirjoldyń ınfraqurylymdyq nysandary tártipsizdikter kezinde zardap shekken joq. Búkil el boıynsha jolaýshylar men júk poıyzdarynyń qozǵalysy tolyq qalpyna keltirildi, dep habarlaıdy Egemen.kz «QTJ» UK» AQ baspasóz qyzmetine silteme jasap.
Qazirgi ýaqytta temirjol tasymalyna suranysy kúrt ósti. Jolaýshylar vagondarynyń júktemeligi 90%-dan asady. Osy oraıda, «QTJ» UK» AQ qosymsha poıyzdardy iske qosýdy josparlap otyr.
7 qańtarda «QTJ» UK» AQ t/j bıletterin Kaspi.kz. jáne bilet.railways.kz saıttary arqyly Internetke qol jetkizbeı satyp alýǵa múmkindik berdi.
Aıta ketsek, on bes myńnan astam temirjol ınfraqurylymy nysandary tolyǵymen saqtalǵan.
Tártipsizdikter kezinde strategııalyq mańyzy bar nysandar zardap shekken joq. Kompanııanyń sýmen, elektrmen, jylýmen jáne baılanys qyzmetterimen qamtamasyz etetin bólimsheleri, vokzal sharýashylyǵy jumys isteıdi.